'ఆర్‌ ఎక్స్‌ 100' ఫేమ్‌ కార్తికేయ తాజా చిత్రం '90 ఎమ్‌ఎల్‌'. తాజాగా ఈ సినిమా ట్రైలర్‌ రిలీజ్‌ చేశారు. 'కొంతమందికి మందు వ్యసనం, కానీ, మీ అబ్బాయికి అది అవసరం..' అని ఓ క్యారెక్టర్‌ చెప్పే డైలాగ్‌తో ట్రైలర్‌ స్టార్ట్‌ అయ్యింది. చిన్నతనం నుండీ 90 ఎమ్‌ ఎల్‌ మందు తీసుకోవడం హీరోకి అలవాటు. కాదు కాదు అవసరం. డైలీ ఆ డోస్‌ పడకపోతే, హీరో చనిపోతాడన్నమాట. 90 ఎమ్‌ ఎల్‌ మందే తన రోగానికి మెడిసన్‌ అవడానికి కారణమైన ఆ రోగం ఏంటీ.? అనేది తెలియాలంటే '90 ఎమ్‌ ఎల్‌' సినిమా చూడాల్సిందే .

హీరోకి ఉన్న రోగమే, సినిమాకి ఎంటర్‌టైన్‌మెంట్‌. అయితే, కొంత భాగం ఎంటర్‌టైన్‌మెంట్‌గా సాగిన ఈ 90 ఎమ్‌ ఎల్‌ కథ సడెన్‌గా సెంటిమెంట్‌ వైపు మళ్లుతుంది. అందుకు కారణం ఆ 90 ఎమ్‌ ఎల్‌ మందే. నువ్వు లేకపోతే చచ్చిపోతాను.. అన్న హీరోయిన్‌ తాను ప్రేమించింది ఓ తాగుబోతునని తెలిసి తన ప్రేమ కోసం ఆ అలవాటు మానుకోమంటుంది. మరి డైలీ మందు తాగకపోతే ప్రాణాలు కోల్పోయే హీరో, తనను ప్రాణంగా ప్రేమించిన ప్రేయసి కోసం ఆ అలవాటును వదిలిపెడతాడా.? వదిలిపెడితే, పరిస్థితి ఏంటీ.? అనే ఆసక్తికరమైన కథాంశంతో తెరకెక్కింది '90 ఎమ్‌ ఎల్‌' చిత్రం.

డిశంబర్‌ 5న ప్రేక్షకుల ముందుకు రానుంది. హీరోయిన్‌గా నేహా శోలంక నటించింది. ట్రైలర్‌ ప్రామిసింగ్‌గా కట్‌ చేశారు. విజువల్స్‌ రిచ్‌గా కనిపిస్తున్నాయి. అనూప్‌ రూబెన్స్‌ బ్యాక్‌ గ్రౌండ్‌ స్కోర్‌ ఆకట్టుకుంటోంది. ఇటీవల 'గ్యాంగ్‌ లీడర్‌'లో విలన్‌గా కనిపించి, ఇప్పుడు మళ్లీ హీరోగా ప్రామిసింగ్‌ లుక్స్‌తో ఆకట్టుకుంటున్న కార్తికేయ '90 ఎమ్‌ఎల్‌'తో ఎలాంటి రిజల్ట్‌ అందుకోనున్నాడో చూడాలి మరి.