తన తాజా చిత్రం సీక్రెట్ సూపర్ స్టార్ ప్రమోషన్స్ లో భాగంగా ఆమిర్ ఖాన్ హైదరాబాద్ విచ్చేశాడు. ఇక్కడ మీడియా బాహుబలిలో మీకు ఏం నచ్చింది అని ప్రశ్నించగా- తాను ఇంకా బాహుబలి చూడలేదు అన్న సమాధానం ఇచ్చాడు.
దీనితో అందరు ఒక్కసారిగా షాక్ అయ్యారు. అయితే త్వరలోనే తప్పక బాహుబలి చూస్తాను అని చెప్పి అలాగే కట్టప్ప బాహుబలిని ఎందుకు చంపాడో మాత్రం తాను సినిమా చూసాకనే తెలుసుకుంటాను అని చెప్పాడు.
ఇక తన చిత్రం సీక్రెట్ సూపర్ స్టార్ చిత్రంలో తానొక డిఫరెంట్ పాత్రలో కనిపించాను అని అలాగే ఈ చిత్రంలో నటించిన జైరా వసిం చాలా బాగా నటించింది అని చెబుతూ కచ్చితంగా ఈ చిత్రం ప్రేక్షకుల మనసుని గెలుచుకుంటుంది అని నమ్మకం వ్యక్తం చేశాడు.
