కామెడీ చిత్రాలకు పెట్టింది పేరు డైరెక్టర్‌ జి.నాగేశ్వర్‌ రెడ్డి. ఆయన దర్శకత్వంలో తెరకెక్కుతోన్న చిత్రం 'ఆచారి - అమెరికా యాత్ర'. మంచు విష్ణు హీరోగా ఈ సినిమా తెరకెక్కుతోంది. ప్రగ్యా జైశ్వాల్‌ హీరోయిన్‌గా నటిస్తోంది. బ్రహ్మానందం కీలక పాత్రలో నటిస్తున్నారు. చాలా కాలం తర్వాత ఫుల్‌ లెంగ్త్‌ పాత్రలో బ్రహ్మానందం కనిపిస్తున్నారు ఈ సినిమాలో. ఈ సినిమా షూటింగ్‌ మొత్తం విదేశాల్లోనే జరగడం విశేషం. తాజాగా విదేశాల్లో షెడ్యూల్‌ పూర్తి చేసుకున్న ఈ సినిమా గురించి మంచు విష్ణు ఇంట్రెస్టింగ్‌ విషయాలను ఫ్యాన్స్‌తో పంచుకున్నారు. సినిమా చాలా బాగా వచ్చిందంటున్నాడు విష్ణు. కథ చాలా కొత్తగా ఉండబోతోందట. కానీ ప్రస్తుతానికి కథేంటో సస్పెన్స్‌ అంటున్నాడు మంచు బుల్లోడు. ప్రతీ సీన్‌ చాలా కొత్తగా ఉంటుందట. ప్రేక్షకులు ప్రతీ సీన్‌నీ ఎంజాయ్‌ చేస్తారంటున్నాడు. ఈ సినిమా షూటింగ్‌లో గాయపడే మంచు విష్ణు కొద్ది రోజులు రెస్ట్‌ తీసుకున్నాడు. ఆ కారణంగా సినిమా షూటింగ్‌ కొంచెం లేటయ్యింది. లేటయినా, కానీ ఔట్‌ పుట్‌ చాలా బాగా వచ్చిందట. అన్ని వర్గాల ప్రేక్షకుల్నీ అలరించేలా ఈ సినిమా ఉండబోతోందంటున్నాడు మంచు విష్ణు. గతంలో బ్రహ్మానందం - విష్ణు కాంబినేషన్‌లో చాలా సినిమాలు వచ్చాయి. కానీ ఈ సినిమాలో ఈ ఇద్దరి కాంబినేషన్‌ డిఫరెంట్‌గా ఉండనుందట. కడుపుబ్బా నవ్వుకునే పంచ్‌ డైలాగ్స్‌ చాలా ఉంటాయట. టోటల్‌గా 'ఆచారి అమెరికా యాత్ర' సినిమా మంచి ఫ్యామిలీ ఎంటర్‌టైనర్‌ అని విష్ణు మాటల ద్వారా తెలుస్తోంది. తమన్‌ ఈ సినిమాకి మ్యూజిక్‌ అందించారు.