హాస్య‌న‌టులు హీరోలుగా మార‌డం కొత్తేం కాదు. ప్ర‌తీ జ‌న‌రేష‌న్‌లోనూ జ‌రుగుతున్న‌దే. ఈ త‌రం హాస్య‌న‌టులు.. ధ‌న్‌రాజ్‌, ష‌క‌ల‌క‌శంక‌ర్‌, శ్రీ‌నివాస‌రెడ్డి, స‌త్య‌లు కూడా హీరోలుగా అవ‌తారం ఎత్తిన‌వాళ్లే. ఇప్పుడు ఈ లిస్టులో మధునందన్ కూడా చేరిపోయాడు. `గుండెజారి గ‌ల్లంత‌య్యిందే` లాంటి సినిమాల‌తో ఆక‌ట్టుకున్నాడు మధునందన్. లేటెస్టుగా `అక్ష‌ర`లోనూ న‌వ్వులు చిందించాడు. ఇప్పుడు మధునందన్ హీరోగా మారిపోయాడు.
తాను హీరోగా `క‌థ వింటారా` అనే సినిమా ప‌ట్టాలెక్కింది. వంశీధ‌ర్ ద‌ర్శ‌కుడు. స్వ‌తిష్ట కృష్ణ‌న్‌, శ్రేయా న‌వేలి క‌థానాయిక‌లు. షూటింగ్ పూర్త‌యిపోయింది. పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. ఈరోజే ఫ‌స్ట్ లుక్ కూడా విడుద‌ల చేశారు. గెడ్డం, నోట్లో సిగ‌రెట్ తో ర‌ఫ్ లుక్ లో క‌నిపిస్తున్నాడు మధునందన్. టైటిల్, లుక్ ని బ‌ట్టి చూస్తే, ఇదో సీరియ‌స్ డ్రామాలా క‌నిపిస్తోంది. మ‌రి హీరోగా.. మధునందన్ ఎంత వ‌ర‌కూ స‌క్సెస్ అవుతాడో చూడాలి.
