డాక్టర్‌ కాబోయి యాక్టర్‌ అయ్యాను అంటుంటారు కొందరు యాక్టర్లు. కానీ, కొందరు హీరోలు డైరెక్టర్లు కాబోయి యాక్టర్లు కాలం అలా కలిసొచ్చి యాక్టర్లు అయిపోయారు ఇప్పుడు. నాని, రాజ్‌ తరుణ్‌ తదితర హీరోల్ని ఆ లిస్టులో లెక్కించుకోవచ్చు. ఇలా డైరెక్టర్‌ కాబోయి యాక్టర్‌ అయిన వాళ్లకి ఎప్పటికీ ఆ డైరెక్షన్‌ పిచ్చి పోదు. ఎప్పటికైనా డైరెక్షన్‌ చేసి తీరాలనే కసి మాత్రం అలాగే ఉండిపోతుంది. మన హీరో రాజ్‌తరుణ్‌ కూడా అలాంటోడే. ఎప్పటికైనా డైరెక్షన్‌ చేసి తీరుతా.. అంటున్నాడు. అయితే, తన డైరెక్షన్‌లో తెరకెక్కబోయే సినిమాలో తాను నటించనని చెబుతున్నాడీ యంగ్‌ హీరో.
సునీల్‌తో సినిమా తీయాలని ఇండస్ట్రీకి వచ్చానని గతంలో చాలాసార్లు చెప్పాడు మనోడు. అయితే, అనుకోకుండా తానే హీరో అయిపోవడంతో, తన డ్రీమ్‌ ప్రాజెక్ట్‌ డ్రీమ్‌గానే మిగిలిపోయింది. కానీ ఎప్పటికైనా తన డ్రీమ్‌ నెరవేర్చుకుంటానంటున్నాడు. డైరెక్షన్‌ చేసినా, హీరోగా కూడా కొనసాగుతాడట. స్టార్టింగ్‌లో వరుస పెట్టి సినిమాలు చేసిన రాజ్‌తరుణ్‌ ఈ మధ్య బాగా గ్యాప్‌ తీసుకుంటున్నాడు. ఫెయిల్యూర్స్‌ రావడం అందుకు ఓ కారణం కావచ్చు. అయితే, ఇకపై గ్యాప్‌ లేకుండా సినిమాలు చేస్తాడట. ప్రస్తుతం 'ఇద్దరిదీ ఒకటే లోకం' సినిమాలో నటిస్తున్నాడు. డిశంబర్‌ 25న ఈ సినిమా ప్రేక్షకుల ముందుకు రానుంది.
