శ్రీలీల కుర్రాళ్ళకి కంటిమీద కునుకు లేకుండా చేస్తోంది. పుష్ప 2 లో చేసిన కిస్సిక్ పాటతో యూత్ కలల రాణిగా మారిపోయింది ఈ కన్నడ కస్తూరి. తెలుగు ఇండస్ట్రీలోకి తారాజువ్వలా దూసుకు వచ్చింది. టాలీవుడ్ లో నంబర్ వన్ హీరోయిన్ అవుతుంది అనుకున్న సమయంలో వరుస డిజాస్టర్లు ఆమె కెరియర్ ని దెబ్బతీశాయి. ఛాన్స్ లు  రావటం తగ్గింది సరి కదా చేతిలో ఉన్న ప్రాజెక్ట్స్ కూడా చేజారాయి. దీనితో శ్రీలీల డౌన్ అయిపోయింది. ఇక అమ్మడి కెరియర్ అంతే అనుకున్నారు. ఈ సారి కెరటంలా లేచింది. ఒక్క పాటతో ఇండస్ట్రీ మొత్తాన్ని తన వైపు తిప్పుకుంది.

బన్నీ సుక్కు కాంబో మూవీ 'పుష్ప 2' లో స్పెషల్ సాంగ్ కోసం బాలీవుడ్ బ్యూటీలను సంప్రదించి చివరికి శ్రీలీల దగ్గర ఆగారు. అంతకముందు ఎన్ని ఐటెం సాంగ్స్ ఆఫర్స్ వచ్చినా నో చెప్పినా ఈ సారి తెలివైన నిర్ణయం తీసుకుని ఓకే చెప్పింది. అదే కలిసి వచ్చింది. ఇప్పుడు 'కిస్సిక్' సాంగ్ తో పాన్ ఇండియా ఆడియన్స్ ద్రుష్టిలో పడింది. మళ్ళీ ఛాన్స్ లు  ఆమె తలుపు తడుతున్నాయి. ఇదే నెలలో నితిన్ తో కలిసి నటించిన 'రాబిన్ హుడ్' మూవీ రిలీజ్ కానుంది. తరవాత హిందీలో సైఫ్ అలీఖాన్ వారసుడితో ఒక మూవీ కమిట్ అయ్యింది. కోలీవుడ్ లో శివ కార్తికేయన్ తో ఒక ప్రాజెక్ట్ కి ఓకే చెప్పింది. ఇవి గాక తెలుగులో అక్కినేని వారసులుతో ఫిక్స్ అయ్యిందట.

నాగ చైతన్య తండేల్ తరవాత విరూపాక్ష ఫేమ్ కార్తీక్ తో ఒక సినిమా చేసేందుకు సిద్ధంగా ఉన్నాడు. ఆ మూవీలో శ్రీలీల ఫిక్స్ అయ్యిందని టాక్. నెక్స్ట్ అఖిల్ హీరోగా 'Akhil 6' మూవీలో కూడా శ్రీలీల హీరోయిన్. 'వినరో భాగ్యము విష్ణుకథ' ఫేమ్ మురళీ కిశోర్ అబ్బూరి దర్శకత్వం వహిస్తున్న ఈ సినిమా షూటింగ్ ఇప్పటికే స్టార్ట్ అయ్యింది. ఇలా అక్కినేని వారసులతో ఒకేసారి రొమాన్స్ చేయనుంది శ్రీలీల. రవితేజ తో ఒక సినిమా, పవన్ తో 'ఉస్తాద్ భగత్ సింగ్', నవీన్ పోలిశెట్టితో 'అనగనగా ఒక రాజు' సిద్ధూ జొన్నలగడ్డతో  ఒక మూవీ చేస్తున్నట్టు సమాచారం. కొత్తలో ఎలా అయితే చేతి నిండా సినిమాలున్నాయో ఇప్పుడు కూడా అలానే 8 ప్రాజెక్ట్స్ తో బిజీగా మారిపోయింది శ్రీలీల.