బిజీ కానున్న లేడీ సూపర్‌స్టార్‌.!

మరిన్ని వార్తలు

13 ఏళ్ల లాంగ్‌ గ్యాప్‌ తర్వాత సీనియర్‌ హీరోయిన్‌ విజయశాంతి సినిమాల్లోకి రీ ఎంట్రీ ఇవ్వనున్నారు సూపర్‌స్టార్‌ మహేష్‌ సినిమాతో. విజయశాంతి ఎంట్రీతో ఈ సినిమాకి వెయిట్‌ బాగా పెరిగింది. ఎన్నో సినిమాల్లో అవకాశాలు వచ్చినా ఒప్పుకోని విజయశాంతి మహేష్‌ కోసం ఈ సినిమాలో నటించేందుకు ఒప్పుకుంది. అనిల్‌ రావిపూడి దర్శకత్వంలో తెరకెక్కుతోన్న ఈ సినిమాకి 'సరిలేరు నీకెవ్వరు' అనే టైటిల్‌ని ఫిక్స్‌ చేసిన సంగతి తెలిసిందే. సంక్రాంతికి ఈ సినిమా ప్రేక్షకుల ముందుకు రానుంది.

 

ఇదిలా ఉంటే, ఈ ఆఫర్‌తో విజయశాంతికి మరిన్ని ప్రాజెక్టులు క్యూ కట్టేస్తున్నాయట. ఇప్పటికే మరో రెండు ప్రాజెక్టులకు విజయశాంతి సైన్‌ చేసిందనీ తెలుస్తోంది. అవి కూడా బిగ్‌ ప్రాజెక్ట్సేనట. అందులో ఒకటి ఓ ప్రముఖ హీరో సినిమా అనీ తెలుస్తోంది. త్వరలోనే ఈ సినిమాలకు సంబంధించి పూర్తి వివరాలు వెల్లడి చేస్తానంటోంది విజయశాంతి. ప్రస్తుతం సినిమాల్లో సీనియర్‌ హీరోయిన్స్‌ కోసం స్పెషల్‌ రోల్స్‌ని సిద్ధం చేస్తున్నారు దర్శక, నిర్మాతలు.

 

ఆయా పాత్రల్లో ఇంతవరకూ నదియా, ఖుష్బూ, రమ్యకృష్ణ తదితరులు నటించి మెప్పించారు. ఈ మధ్యనే టబు కూడా రంగంలోకి దూకింది. అల్లు అర్జున్‌ - త్రివిక్రమ్‌ సినిమాలో టబు కీలక పాత్ర పోషిస్తోన్న సంగతి తెలిసిందే. తాజాగా లేడీ సూపర్‌స్టార్‌ రంగంలోకి దూకడంతో, స్టోరీ రైటర్స్‌కి కొత్త ఉత్సాహం పుంజుకుంది. ఆమె కోసం కీలక పాత్రల్ని సిద్ధం చేసేందుకు మన రైటర్స్‌ జూలు విదుల్చుతున్నారు మరి.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS