అజ్ఞాతవాసి ఆడియో విడుదల ఇంకొన్ని గంటల్లో జరగనుంది. పవర్ స్టార్ పవన్ కళ్యాణ్ ని కలవడానికి ఆయన అభిమానులు పెద్ద సంఖ్యలో ఆడియో విడుదల వేదిక వద్దకి చేరుకుంటున్నారు.

ఇక ఇదే సమయంలో నేడు ఆడియో విడుదలతో పాటు అజ్ఞాతవాసి ట్రైలర్ కూడా విడుదల చేస్తారు అన్న వార్తల నడుమ ఒక తాజా సమాచారం బయటకి వచ్చింది. అదేంటంటే- ఈరోజు ట్రైలర్ విడుదల జరగడం లేదు అని డిసెంబర్ 26న ట్రైలర్ ని విడుదల చేస్తారు అని తెలిసింది. 

ఇది ఒకింత ఫ్యాన్స్ కి నిరాశ కలిగించే వార్తే. దీన్ని బట్టి ఇవాల్టికి ఆడియో విడుదల తో ఫ్యాన్స్ సంతృప్తి పడాల్సిందే. ఇదిలావుండగా అజ్ఞాతవాసి టీం నేడు జరిగే ఆడియో విడుదల కార్యక్రమాన్ని భారీ ఎత్తులో నిర్వహించడానికి ప్లాన్ చేసింది.

చూద్దాం.. ఇవాల్టి వేడుకలో పవన్, త్రివిక్రమ్ మరియు మిగతా అతిథులు ఏం మాట్లడతారో...