హిందీ చిత్రాలని తెలుగులో అలాగే తెలుగు చిత్రాలని హిందీలో రీమేక్ చేయడం అనేది సర్వసాధారణం. అయితే ఏదైనా సినిమా ని స్టార్ హీరోలు గాని పెద్ద దర్శకులు రీమేక్ చేయడానికి ప్రయత్నిస్తే అది ప్రత్యేక వార్త అవుతుంది.

ఇప్పుడు కూడా అలాంటి ప్రత్యేక వార్త ఒకటి ఫిలిం నగర్ లో చక్కర్లు కొడుతుంది. అదేమనగా- వెంకటేష్-త్రివిక్రమ్ కలయికలో రానున్న సినిమా హిందీలో వచ్చిన జాలీ LLB 2 చిత్రానికి రీమేక్ అని సదరు వార్త సారాంశం. హిందీ మాతృకలో హీరో అక్షయ్ కుమార్ ప్రధాన పాత్ర పోషించాడు. ఈ సినిమాకి రూ 100కోట్లు పైగా కలెక్షన్స్ వచ్చాయి.

ఇక మొన్ననే జాలీ LLB చిత్రాన్ని సప్తగిరి LLB పేరుతో కమెడియన్ సప్తగిరి రీమేక్ చేసిన సంగతి విదితమే. మరి వెంకటేష్-త్రివిక్రమ్ సదరు హిందీ చిత్రాన్ని రీమేక్ చేస్తున్నారా లేదా అనే దాని పైన ఇంకా క్లారిటీ రావాల్సి ఉంది.

వెయిట్ అండ్ సీ...