అఖిల్, హ‌లో, మిస్ట‌ర్ మ‌జ్ను... ఇలా అఖిల్ హ్యాట్రిక్ ప‌రాజ‌యాలు పూర్త‌య్యాయి. అయితే అఖిల్ ఏం దిగులు ప‌డ‌డం లేదు. మిస్ట‌ర్ మ‌జ్ను ఫెయిల్ అయినా, గ‌త సినిమాల‌తో పోలిస్తే మంచి రిజ‌ల్టే వ‌చ్చింద‌న్న పాజిటీవ్ థింకింగ్‌లో ఉన్నాడు అఖిల్. అందుకే నాలుగో సినిమాకీ ముహూర్తం పెట్టేసిన‌ట్టు స‌మాచారం.
అఖిల్ అక్కినేని నాలుగో సినిమా ఎవ‌రితో అనే విష‌యంలో టాలీవుడ్‌లో చాలా రూమ‌ర్లు ఉన్నాయి. వినాయ‌క్‌, శ్రీ‌నువైట్ల, క్రిష్‌.. ఇలా కొన్ని పేర్లు బ‌య‌ట‌కు వ‌చ్చాయి. అయితే.. నాలుగో సినిమాని అఖిల్ స‌త్య పినిశెట్టి చేతిలో పెట్టిన‌ట్టు టాక్‌. ర‌విరాజా పినిశెట్టి త‌న‌యుడు ఈ స‌త్య. సోద‌రుడు ఆది పినిశెట్టితో `మ‌లుపు` అనే ఓ సినిమా తీశాడు.
ఈసారి కూడా ఓ థ్రిల్లింగ్ క‌థాంశంతో అఖిల్‌ని మెప్పించిన‌ట్టు తెలుస్తోంది. స్టార్ వాల్యూని న‌మ్ముకున్న‌ప్పుడు అఖిల్‌కి హిట్టు ద‌క్క‌లేదు. అందుకే ఈసారి కొత్త ద‌ర్శ‌కుడితో ప్ర‌యాణం చేయాల‌ని ఫిక్స‌యిన‌ట్టున్నాడు. మ‌రి ఈసారి ఎలాంటి రిజ‌ల్ట్ వ‌స్తుందో చూడాలి.
