పాపం... అఖిల్ కి ఇంకా బ్యాడ్ టైమ్ కొన‌సాగుతూనే ఉంది. త‌న `మోస్ట్ ఎలిజిబుల్ బ్యాచిల‌ర్‌` సినిమాకి ఇంకా మోక్షం ల‌భించ‌లేదు. ఈ సినిమా ఇప్ప‌టికే చాలాసార్లు వాయిదా ప‌డింది. ఎట్ట‌కేల‌కు అక్టోబ‌రు 8న వ‌స్తున్నామ‌ని చిత్ర‌బృందం ఘ‌నంగా ప్ర‌క‌టించింది. ల‌వ్ స్టోరీ సినిమాకొచ్చిన వ‌సూళ్లు, స్పంద‌న చూసి - ఎలిజిబుల్ బ్యాచిల‌ర్ ఇంకాస్త ఉత్సాహంగా ముందుకు రావాల్సింది. కానీ... ఇప్పుడు మ‌రోసారి ఈ సినిమా వాయిదా ప‌డింది. అక్టోబ‌రు 15న ఈ చిత్రాన్ని విడుద‌ల చేస్తున్నామ‌ని తాజాగా చిత్ర‌బృందం ప్ర‌క‌టించింది. దాంతో అక్కినేని ఫ్యాన్స్ మ‌రోసారి నిరాశ‌లో కూరుకుపోయారు. ఇప్ప‌టికే ఈ సినిమాపై అంచ‌నాలు అంతంత మాత్రంగానే ఉన్నాయి. ఇలా వాయిదాల‌మీద వాయిదాలు ప‌డుతూ ఉంటే ఎలా ? అన్న‌ది అంద‌రి భ‌యం.

అక్టోబ‌రు 8న వైష్ణ‌వ్ తేజ్ `కొండ‌పొలెం` విడుద‌ల అవుతోంది. మోస్ట్ ఎలిజిబుల్ బ్యాచిల‌ర్ కూడా అదే రోజున రావాలి. బ్యాచిల‌ర్‌కి దారి ఇవ్వ‌డానికి కొండ‌పొలెం వెన‌క్కి త‌గ్గుతామ‌ని అనుకుంది. అయితే.. ఎప్పుడైతే.. అఖిల్ సినిమా వాయిదా వేశారో, ఇప్పుడు కొండ‌పొలెంచ సినిమా ముందుకు దూకుతోంది. ఈ సినిమా 8నే విడుద‌ల కానుంది. అఖిల్ సినిమాని అక్టోబ‌రు 15న విడుద‌ల చేస్తారో, లేదంటే మ‌రో డేట్ కి మారుస్తారో? మార్చినా... ఆశ్చ‌ర్య‌పోవాల్సిన అవ‌స‌రం లేదు. ఎందుకంటే రిలీజ్ డేట్ ప్ర‌క‌టించ‌డం, వెంట‌నే వాయిదా వేయ‌డం అఖిల్ సినిమాకి అల‌వాటుగా మారిపోయింది.