స‌రిలేరు నీకెవ్వ‌రు - ప్రీ రిలీజ్ ఈవెంట్ ఘ‌నంగా జ‌రిగింది. ఇప్పుడు అంద‌రి దృష్టీ... `అల వైకుంఠ‌పుర‌ములో` పైనే. ఈరోజు సాయింత్రం హైద‌రాబాద్‌లో అల వైకుంఠ‌పుర‌ములో మ్యూజిక‌ల్ నైట్ జ‌ర‌గ‌బోతోంది. ఈ ఫంక్ష‌న్‌కి గెస్టులెవ‌రూ లేరు. టీమ్ మాత్ర‌మే పాల్గొంటోంది. అయితేనేం..చాలా ప్ర‌త్యేక‌త‌లున్నాయి. లైవ్ ఆర్కెస్ట్రాతో సిద్ద్ శ్రీ‌రామ్ పాట‌లు పాడ‌బోతున్నాడు. ఈ సినిమాలో పాట‌లు పాడిన గాయ‌నీ గాయ‌కులంతా వేదిక‌పై లైవ్ షో ఇవ్వ‌బోతున్నారు.

అన్నింటికంటే ముఖ్యంగా అల్లు అర్జున్ త‌న స్టెప్పుల‌తో ఫ్యాన్స్‌కి ట్రీట్ ఇవ్వ‌బోతున్నాడు. బ‌న్నీ ఓ సూప‌ర్ డాన్స‌ర్‌. త‌న స్టెప్పుల కోసం ఫ్యాన్స్ ఎదురుచూస్తుంటారు. 12న వెండి తెర‌పై ఏ రేంజులో స్టెప్పులు వేస్తాడో తెలీదు గానీ, ఈ రోజు మాత్రం లైవ్ షోలో డాన్సు చేయ‌డానికి బ‌న్నీ ప్రిపేర్ అయిపోయాడు. ఇందుకోసం మూడు రోజుల నుంచీ బ‌న్నీ ప్రాక్టీస్ చేస్తూనే ఉన్నాడ‌ట‌. ఈఫంక్ష‌న్‌కి సెంట్రాఫ్ అట్రాక్ష‌న్ అదే. సో.. మెగా ఫ్యాన్స్ అంతా రెడీ అయిపోండి.