క్రిస్‌మస్‌ సందర్భంగా 'అల..' టీమ్‌, 'సరిలేరు నీకెవ్వరూ..' టీమ్‌ నుండి చెరో ఒక స్టిల్‌ రిలీజ్‌ చేశారు. రెండూ రెండే స్టిల్స్‌ సూపర్బ్‌గా ఉన్నాయి. హీరో, హీరోయిన్‌ రొమాంటిక్‌ మోడ్‌లో ఉన్న స్టిల్స్‌ ఇవి. 'అల..' నుండి పూజా హెగ్దే - అల్లు అర్జున్‌ జంటగా కూల్‌ అండ్‌ రొమాంటిక్‌ మూడ్‌లో ఉన్న ఈ స్టిల్‌కి బన్నీ ఫ్యాన్స్‌ నుండి మంచి రెస్పాన్స్‌ వస్తోంది. అలాగే, ఈ స్టిల్‌కి ఏమాత్రం తీసిపోకుండా అనిల్‌ రావిపూడి 'సరిలేరు నీకెవ్వరూ..' నుండి మహేష్‌ - రష్మిక మండన్నా జోడీని రిలీజ్‌ చేశాడు. కూల్‌ మూడ్‌లో ఉన్న మహేష్‌ని వెనక నుండి వచ్చి రష్మిక హగ్‌ చేసుకున్న స్టిల్‌ ఇది. చాలా ఆహ్లాదంగా అనిపిస్తోంది.

క్రిస్‌మస్‌ ఎట్మాస్పియర్‌కి ఆహ్లాదంగా రిలీజ్‌ చేసిన ఈ స్టిల్స్‌ నెట్టింట్లో హల్‌చల్‌ చేస్తున్నాయి. పోటా పోటీగా ఇటు మహేష్‌ ఫ్యాన్స్‌, అటు బన్నీ ఫ్యాన్స్‌ ఈ స్టిల్స్‌కి లైకులు మీద లైకులు, షేరుల మీద షేర్లు చేసేస్తూ అసలు సిసలు క్రిస్‌మస్‌ని బ్రైట్‌గా సెలబ్రేట్‌ చేసుకుంటున్నారు. వీరిద్దరూ ఇలా పోటీ పడితే, నేనేం తక్కువ తిన్నానా.? అంటూ మంచోడు కళ్యాణ్‌ రామ్‌ కూడా ఓ రొమాంటిక్‌ స్టిల్‌ రిలీజ్‌ చేశాడు. హీరోయిన్‌ మెహ్రీన్‌ని బైక్‌పై ఎక్కించుకుని జాలీగా అలా ఓ ట్రిప్‌ వేసేందుకు సిద్ధమైపోయాడు. సంక్రాంతి సందర్భంగా జనవరి 15న 'ఎంత మంచి వాడవురా' సినిమాతో కళ్యాణ్‌రామ్‌ కూడా ధియేటర్స్‌లో సందడి చేయబోతున్న సంగతి తెలిసిందే.