ఏ భాషలోనైనా ఓ సినిమా హిట్‌ అయ్యిందంటే చాలు , మరో భాషలో ఆ సినిమా రీమేక్స్‌కి సన్నాహాలు జరిగిపోతున్నాయి. చాలా సినిమాలు ఇటు నుండి అటూ, అటు నుండి ఇటూ ఈ మధ్య చక్కర్లు కొడుతున్న సంగతి తెలిసిందే. అలా రీమేక్‌ అయిన చిత్రాలు కొన్ని బ్లాక్‌ బస్టర్స్‌ అవుతుంటే, మరికొన్ని బాక్సాఫీస్‌ వద్ద కుదేలవుతున్నాయి. తాజాగా టాలీవుడ్‌లో సూపర్‌ హిట్‌ అయిన ‘అల ..’ చిత్రం బాలీవుడ్‌లో రీమేక్‌ కానుందన్న వార్త తాజాగా కొక్కొరొకో అంటోంది.
బాలీవుడ్‌లో రీమేక్స్‌ స్పెషలిస్ట్‌ అయిన సల్మాన్‌ ఖాన్‌ ఈ రీమేక్‌పై కన్నేశాడట.. అంటూ ప్రచారం జరుగుతోంది. అయితే, ఇంతవరకూ ఈ రీమేక్‌ హక్కులు ఎటూ అమ్ముడు పోలేదని మాట్లాడుకుంటున్నారు. కానీ, మరో ఇంట్రెస్టింగ్‌ అప్‌డేట్‌ ఏంటంటే, ఈ సినిమాని బాలీవుడ్‌లో తానే రీమేక్‌ చేసి, క్యాష్‌ చేసుకోవాలనే ఆలోచనలో ప్రముఖ నిర్మాత అల్లు అరవింద్‌ ఉన్నట్లు మరో గాసిప్‌ వినిపిస్తోంది. ఆల్రెడీ బాలీవుడ్‌లో ‘జెర్సీ’ రీమేక్‌ చేస్తున్న అళ్లు అరవింద్‌, నిజంగానే ‘అల..’ను బాలీవుడ్‌కి తీసుకెళతారా.? ఒకవేళ అదే జరిగితే, ఈ సినిమాని బాలీవుడ్‌లో తెరకెక్కించే డైరెక్టర్‌ ఎవరు.? అనే వివరాలు తెలియాల్సి ఉంది.
‘అర్జున్‌ రెడ్డి’ సినిమాని సందీప్‌ రెడ్డి వంగా బాలీవుడ్‌లో రీమేక్‌ చేసి, సంచలన విజయాన్ని అందుకున్న సంగతి తెలిసిందే. అలాగే రేపో మాపో బాలీవుడ్‌లో ‘జెర్సీ’ మూవీ రిజల్ట్‌ కూడా తేలిపోనుంది. అలాగే మన ‘అల..’ బాలీవుడ్‌ పురములోనూ సెన్సేషన్‌ అవుతుందేమో చూడాలిక.
