బాహుబ‌లి రికార్డుల్ని బ‌ద్ద‌లు కొట్ట‌డం సాధ్యం కాద‌ని చిత్ర‌సీమ గ‌ట్టి న‌మ్మ‌కం. కాక‌పోతే.... స‌త్తా ఉన్న సినిమా వ‌చ్చిన‌ప్పుడు ఎలాంటి రికార్డు అయినా పక్క‌కు త‌ప్పుకోవాల్సిందే. ఇప్పుడు అదే జ‌రిగింది. అల వైకుంఠ‌పుర‌ములో... బాహుబ‌లి రికార్డుని బ‌ద్ద‌లు కొట్టింది. తెలుగు రాష్ట్రాల‌లో బాహుబ‌లి - ది బిగినింగ్ సాధించిన వ‌సూళ్ల‌ని అల వైకుంఠ‌పుర‌ములో అధిగ‌మించింది. అయితే టాలీవుడ్ నెంబ‌ర్ వ‌న్ రికార్డు బాహుబ‌లి 2 పేరిట అలానే ఉంది. రెండో స్థానంలో అల వైకుంఠపుర‌ములో ఉంది. మూడో స్థానం బాహుబ‌లి 1 కి ద‌క్కింది.

ఈ సంక్రాంతికి విడుద‌లైన అల వైకుంఠ‌పుర‌ములో తెలుగు నాట 165 కోట్లు సాధించింది. ఇది బాహుబ‌లి 1 కంటే ఎక్కువ‌ని ట్రేడ్ వ‌ర్గాలు లెక్క‌లు తేల్చేశాయి. ఒక్క నైజాంలోనే అల వైకుంఠ‌పురములో 44 కోట్లు సాధించింది. ఓవ‌ర్సీస్‌లో 18 కోట్ల వ‌ర‌కూ తెచ్చుకుంది. దాదాపుగా అన్ని ఏరియాల్లోనూ బాహుబ‌లి 1 రికార్డుని బీట్ చేసింది. కొన్ని చోట్ల‌... బాహుబ‌లి 2కి ద‌గ్గ‌ర‌గా వెళ్లింది. సంక్రాంతి సీజ‌న్‌కి విడుద‌ల కావ‌డం, దానికి తోడు ఫ్యామిలీ ఎమోష‌న్స్ బాగా పండ‌డం ఈ చిత్రానికి క‌లిసొచ్చింది. ఈ సంక్రాంతికి విడుద‌లైన చిత్రాలలో రిపీటెడ్ ఆడియ‌న్స్ ఉన్న సినిమా కూడా ఇదే కావ‌డం విశేషం.