నెపోటిజం సెగ బాలీవుడ్ ని ఊపేస్తోంది. స్టార్ కిడ్స్ సినిమాల్ని బ్యాన్ చేయాల‌ని, ముఖ్యంగా మ‌హేష్ భ‌ట్ కుటుంబ సినిమాల్ని, ఆ కుటుంబం నుంచి వ‌చ్చిన స్టార్స్ నీ బ‌హిష్క‌రించాల‌ని పెద్ద ఎత్తున ఉద్య‌మం సాగుతోంది. అందులో భాగంగా మ‌హేష్ భ‌ట్ సినిమా `స‌డ‌క్ 2`పై డిజ్ లైక్ ల ప‌ర్వం కొన‌సాగుతోంది. డిజ్ లైకుల్లో ఈ ట్రైల‌ర్ రికార్డు దిశ‌గా ప‌రుగులు పెడుతోంది. ఈ సినిమాలో అలియాభ‌ట్ క‌థానాయిక‌గా న‌టిస్తున్న సంగ‌తి తెలిసిందే. భ‌విష్య‌త్తులో అలియాభ‌ట్ సినిమాల‌పై ఇదే ర‌క‌ర‌మైన స్పంద‌న వ‌చ్చే అవ‌కాశం ఉంది.

దాంతో `ఆర్‌.ఆర్‌.ఆర్‌` టీమ్ ఇప్పుడు డైలామాలో ప‌డింది. రాజ‌మౌళి ప్ర‌తిష్టాత్మ‌కంగా తెర‌కెక్కిస్తున్న ఈ చిత్రంలో అలియాభ‌ట్ ని క‌థానాయిక‌గా ఎంచుకున్న సంగ‌తి తెలిసిందే. ప్ర‌స్తుతం ఉన్న ప‌రిస్థితుల్లో అలియాని తీసుకుంటే, బాలీవుడ్ లో ఈ సినిమాపై ప్ర‌తికూల ప్ర‌భావం ప‌డే అవ‌కాశం ఉంది. దాంతో.. అలియా విష‌యంలో పున‌రాలోచించాల‌ని రాజ‌మౌళి భావిస్తున్నాడ‌ట‌. `ఆర్‌.ఆర్‌.ఆర్‌`పై కాస్త నెగిటివిటీ కూడా రాకూడ‌ద‌న్న‌ది రాజ‌మౌళి ఆలోచ‌న‌. అందుకే... అలియాని త‌ప్పించి మ‌రో క‌థానాయిక‌ని తీసుకోవాల‌ని భావిస్తున్నాడ‌ట‌. ఏం జ‌రుగుతుందో చూడాలి.