కామెడీ హీరోగా నరేష్‌కి ఉన్న స్థానం వేరు. అయితే గత కొంత కాలంగా నరేష్‌ కామెడీని ఫ్యాన్స్‌ మెచ్చుకోవడం లేదు. ఆ రకంగా నరేష్‌ సినిమాలకి ఆదరణ తగ్గిపోయింది. సక్సెస్‌ అందుకోలేకపోతున్నాడు. అయితే ఈ మధ్య నరేష్‌కి స్టార్‌ హీరోల సినిమాల్లో సపోర్టింగ్‌ రోల్స్‌లో అవకాశాలు వస్తున్నాయంటూ గాసిప్స్‌ వస్తున్నాయి. తాజాగా మహేష్‌బాబు హీరోగా తెరకెక్కుతోన్న 'భరత్‌ అను నేను' సినిమాలో నరేష్‌కి ఓ కీలక పాత్రలో నటించే అవకాశం వచ్చిందంటూ వార్తలు హల్‌ చల్‌ చేస్తున్నాయి. కానీ ఈ న్యూస్‌లో నిజం లేదంటూ రూమర్స్‌ కూడా వినిపించాయి. అయితే నరేష్‌ ఒప్పుకున్నాడు. ఆఫర్‌ వచ్చిన సంగతి నిజమేనంటూ. కానీ ఆ సినిమాలో నరేష్‌ నటించాలా? వద్దా? అనే డైలమాలోనే ఉన్నాడట. నరేష్‌లో కేవలం కామెడీ హీరోనే కాదు, ఎమోషనల్‌ టచ్‌తో పాటు, ఇంకా డిఫరెంట్‌ షేడ్స్‌ పండించే సత్తా కూడా ఉంది. గతంలో పలు చిత్రాల్లో తనలోని ఇతర యాంగిల్స్‌ని ప్రేక్షకులకు పరిచయం చేశాడు నరేష్‌. అందుకే ఇకపై కామెడీతో పాటు, డిఫరెంట్‌ షేడ్స్‌ ఉన్న సినిమాలపై ఎక్కువ దృష్టి పెట్టాలనుకుంటున్నాడట. ప్రస్తుతం 'మేడ మీద అబ్బాయి' సినిమాలో నటిస్తున్నాడు నరేష్‌. ఈ సినిమాలో కామెడీ చాలా కొత్తగా ఉండబోతోందట. హారర్‌ కామడీ కూడా నరేష్‌కి కలిసి రాలేదు. సో అటు వైపు అడుగులు వేయడం ఇకపై ఇష్టం లేదంటున్నాడు. కథ నచ్చి, పాత్ర మరీ డామినేట్‌ చేస్తేనే తప్ప ఆ తరహా స్టోరీస్‌ జోలికి పోనని అంటున్నాడు. అయితే ఆయన అభిమానులు నరేష్‌, సీనియర్‌ హీరోల సినిమాల్లో కూడా నటిస్తే బావుంటుందని భావిస్తున్నారు. విశ్వసనీయ వర్గాల సమాచారం ప్రకారం, నరేష్‌ అభిమానుల కోరిక మన్నించి మహేష్ సినిమాలో నటించేందుకు అంగీకరిస్తాడో లేదో చూడాలిక.
