స్టైలిష్‌ స్టార్‌ అల్లు అర్జున్‌కి 16 ఏళ్లు.. ఆశ్చర్యపోతున్నారా.? అవునండీ నిజమే. ఆయన సినిమాల్లోకొచ్చి 16 ఏళ్లయ్యింది. 'గంగోత్రి' సినిమాతో కెరీర్‌ స్టార్ట్‌ చేసిన అల్లు అర్జున్‌ తొలి సినిమాకే రికార్డులు సృష్టించాడు. విమర్శలు ఎదుర్కొన్నా, వసూళ్లు కొల్లగొట్టాడు ఆ సినిమాతో. ఆ తర్వాత 'దేశముదురు'తో బ్లాక్‌ బస్టర్‌ హిట్‌ అందుకుని స్టైలిష్‌ స్టార్‌ అయిపోయాడు. ఆ తర్వాత అల్లు అర్జున్‌కిక తిరుగే లేకుండా పోయింది.

స్టైలిష్‌ స్టార్‌గా యూత్‌ ఐకాన్‌ అయిపోయాడు. 'గంగోత్రి'కి ముందే చిరంజీవి నటించిన 'డాడీ' సినిమాలో ఓ సాంగ్‌లో చిన్న బిట్‌లో కనిపిస్తాడు. సక్సెస్‌ఫుల్‌ హీరోగా 16 ఏళ్ల కెరీర్‌ కంప్లీట్‌ చేసుకున్నాడు అల్లు అర్జున్‌. ప్రస్తుతం అల్లు అర్జున్‌ త్రివిక్రమ్‌ శ్రీనివాస్‌తో సినిమా చేస్తున్నాడు. గీతా ఆర్ట్స్‌ బ్యానర్‌లో ఈ సినిమా రూపొందుతోంది. 

రేపో మాపో సెట్స్‌ మీదికి వెళ్లాల్సి ఉంది ఈ సినిమా. గతంలో త్రివిక్రమ్‌తో రెండు సూపర్‌హిట్స్‌ కొట్టాడు అల్లు అర్జున్‌. ఈ సారి ఈ సినిమాతో హ్యాట్రిక్‌ కొట్టాలని అనుకుంటున్నాడు. సినిమా అనౌన్స్‌ చేసి చాలా కాలమే అయినా, ఇంకా సెట్స్‌ మీదికి వెళ్లలేదు. అయితేనేం లేట్‌ అయినా లేటెస్ట్‌గా వస్తానంటున్నాడు స్టైలిష్‌ స్టార్‌ అల్లు అర్జున్‌. లెట్స్‌ వెయిట్‌ అండ్‌ సీ.!