అల్లు అర్జున్ `పుష్ష` గా మారాడు. సుకుమార్ ఈ చిత్రానికి ద‌ర్శ‌కుడు. లాక్‌డౌన్ కి ముందు కొంత మేర షూటింగ్ జ‌రిగింది. త్వరలోనే కొత్త షెడ్యూల్ మొద‌ల‌వుతుంది. ఈ ఖాళీలో.. కొర‌టాల శివ‌తో ట‌చ్ లోకి వెళ్లాడు బ‌న్నీ. `పుష్ప` త‌ర‌వాత.. కొర‌టాల‌తో ఓ సినిమా చేయ‌బోతున్నాడు. లాక్‌డౌన్ స‌మ‌యాన్ని కొర‌టాల కూడా బాగా స‌ద్వినియోగం చేసుకున్నాడు. అల్లు అర్జున్ కోసం ఓ క‌థ సిద్థం చేస్తున్నాడు.
ఈ సినిమాలో.. బ‌న్నీ స్టూడెంట్ లీడర్ గా న‌టించ‌బోతున్నాడ‌ని టాక్‌. కొర‌టాల శివ సినిమాల‌న్నీ సామాజిక నేప‌థ్యంలో సాగుతుంటాయి. ఆచార్య కూడా అలాంటి క‌థే. ఇందులో.. చిరు న‌క్స‌లైట్ నాయ‌కుడిగా న‌టిస్తుంటే, బ‌న్నీ - స్టూడెంట్ లీడర్ అవుతున్నాడ‌న్న‌మాట. త్వరలోనే కొర‌టాల‌తో బ‌న్నీ మ‌రో మీటింగ్ ఉంద‌ట. ఈసారి.. బ‌న్నీకి కొర‌టాల పూర్తి క‌థ చెప్ప‌బోతున్నాడ‌ని టాక్‌.
