పుష్ప‌తో త‌న రేంజ్ ఏమిటో బాలీవుడ్ కీ చూపించేశాడు అల్లు అర్జున్‌. ఇప్పుడు నేరుగా ఓ హిందీ సినిమా చేయ‌డ‌మే బాకీ. ఇప్పుడు బ‌న్నీ ఆ ప్ర‌య‌త్నాల్లోనే ఉన్నాడ‌న్న‌ది ఇండ‌స్ట్రీ వ‌ర్గాల టాక్‌. ఇటీవ‌ల బ‌న్నీ కొంత‌మంది బాలీవుడ్ ప్ర‌ముఖుల్ని క‌లుస్తున్నాడు బ‌న్నీ. అందులో ద‌ర్శ‌కులు ఉన్నారు. నిర్మాత‌లూ ఉన్నారు. తాజాగా బ‌న్నీ సంజ‌య్ లీలా బ‌న్సాలీని క‌లిశాడు. దాంతో.. ఈ కాంబినేష‌న్‌లో ఓ సినిమా రాబోతోందా? అనే ఆస‌క్తి స‌ర్వ‌త్రా నెల‌కొంది.
భారీ చిత్రాల‌కు కేరాఫ్ అడ్ర‌స్స్ సంజ‌య్ లీలా భ‌న్సాలీ. ఆయ‌న సినిమాల‌న్నీ ఆర్టిస్టిక్‌గా ఉంటాయి. అయితే నిర్మాత‌గా అన్నీ క‌మ‌ర్షియ‌ల్ సినిమాలే తీశారు. బ‌న్నీతోనూ ఓ క‌మ‌ర్షియ‌ల్ సినిమా ప్లాన్ చేస్తున్నార‌ని, ఈ చిత్రానికి ఓ టాప్ డైరెక్ట‌ర్ ద‌ర్శ‌క‌త్వం వ‌హిస్తార‌ని ఇండ‌స్ట్రీ వ‌ర్గాల టాక్‌. ఇటీవ‌ల సంజ‌య్ లీలా బ‌న్సాలీ `గంగూబాయ్‌` చిత్రాన్ని రూపొందించిన సంగ‌తి తెలిసిందే. అయితే ఆ సినిమాకి పెద్ద‌గా ఆద‌ర‌ణ రాలేదు.
