త‌మిళ‌నాట స్టార్ డ‌మ్ అనుభ‌విస్తున్న హీరోల్లో విజ‌య్ సేతుప‌తి ఒక‌రు. తెలుగులోనూ విజ‌య్‌కి అభిమానులున్నారు. ఇప్పుడిప్పుడే టాలీవుడ్లోనూ విజ‌య్ అడుగులు ప‌డుతున్నాయి. ఇటీవ‌ల 'సైరా'లో మెప్పించాడు విజ‌య్‌. 'ఉప్పెన‌'లో ప్ర‌తినాయ‌కుడిగా క‌నిపించ‌నున్నాడు. ఇప్పుడు అల్లు అర్జున్ సినిమాలోనూ త‌నే విల‌న్ అని తెలుస్తోంది. అల్లు అర్జున్ కథానాయ‌కుడిగా గీతా ఆర్ట్స్ ఓ సినిమాని నిర్మించ‌నుంది. సుకుమార్ ద‌ర్శ‌కుడు. ఎర్ర చంద‌నం స్మ‌గ్లింగ్ నేప‌థ్యంలో సాగే క‌థ ఇది.

ఈ చిత్రంలో ప్ర‌తినాయ‌కుడిగా విజ‌య్ సేతుప‌తి న‌టించ‌నున్నాడ‌ని స‌మాచారం. ఈ క‌థ‌లో త‌మిళ బ్యాక్ డ్రాప్ కూడా కొంత ఉంటుంది. అందుకే విజ‌య్ సేతుప‌తిని ఎంచుకున్నార‌ని తెలుస్తోంది. త్వ‌ర‌లోనే ఈ సినిమా ప‌ట్టాలెక్క‌బోతోంది.