త‌మిళ హీరోల‌కు తెలుగు నాట అంత‌కంత‌కూ మార్కెట్ ప‌డిపోతూ వ‌స్తోంది. సూర్య, కార్తి, విశాల్ లాంటి త‌మిళ తంబీల‌కు తెలుగుల‌తో గ‌ట్టి ఎదురుదెబ్బ‌లు త‌గులుతున్నాయి. ఈ నేప‌థ్యంలో ఈ వారం త‌మిళ హీరోల‌కు తెలుగులో బాగా క‌లిసొచ్చిన‌ట్టే క‌నిపిస్తోంది. మ‌రీ ముఖ్యంగా విజ‌య్‌సినిమా 'విజిల్‌'కి తెలుగులో మంచి వ‌సూళ్లే వ‌చ్చాయి. అట్లీ ద‌ర్శ‌క‌త్వం వ‌హించిన సినిమా `విజిల్‌`. న‌య‌న‌తార క‌థానాయిక.
దీపావ‌ళి సంద‌ర్భంగా విడుద‌లైన ఈ చిత్రం మాస్‌ని మెప్పించింది. త‌మిళ‌నాట రికార్డు వ‌సూళ్ల‌ని కుమ్ముకుంటోంది. తెలుగులోనూ.. హిట్ కిందే లెక్క. ఈ సినిమాకి దాదాపు 7 కోట్ల‌కు తెలుగు నిర్మాత కొనుగోలు చేశారు. తొలి మూడు రోజుల్లోనే 7 కోట్లు రాబ‌ట్టుకుంది. ఇప్పుడు వ‌చ్చేదంతా లాభాల‌కిందే లెక్క. మ‌రోవైపు 'విజిల్‌'కి కార్తి 'ఖైదీ' గ‌ట్టి పోటీ ఇస్తోంది. ఖైదీ వ‌సూళ్లపై ఇంకా స్ప‌ష్ట‌త రాలేదు గానీ, ఖైదీ కూడా బ్రేక్ ఈవెన్‌కి ద‌గ్గ‌ర్లో ఉంద‌ని స‌మాచారం.
