ఏప్రిల్ 9.... వ‌కీల్ సాబ్ విడుద‌ల రోజు. ఈ రోజుకోస‌మే.... ప‌వ‌న్ క‌ల్యాణ్ ఫ్యాన్స్ ఎంతో ఆస‌క్తిగా ఎదురు చూస్తున్నారు. ప‌వ‌న్ క‌ల్యాణ్ రీ ఎంట్రీ ఏ రేంజులో ఉందో... ప్ర‌త్య‌క్షంగా చూడాల‌ని ఆరాట‌ప‌డుతున్నారు. టాలీవుడ్ కూడా ఈ సినిమాపై భారీ ఆశ‌లు పెట్టుకుంది. ఈ సినిమాతోనే స‌మ్మ‌ర్ సీజ‌న్ మొద‌లెన‌ట్టు అనుకోవాలి. ప‌వ‌న్ అభిమానులు, టాలీవుడ్ తో పాటు.. ఈ సినిమా కోసం అల్లు అర్జున్ కూడా చాలా ఆత్రుత‌తో ఎదురు చూస్తున్నాడు. వ‌కీల్ సాబ్ హిట్ట‌యితే బాగుండును అనుకుంటున్నాడు. దానికీ కార‌ణం ఉంది.
వ‌కీల్ సాబ్ ద‌ర్శ‌కుడు... వేణు శ్రీ‌రామ్. ఇది వ‌ర‌కు.. అల్లు అర్జున్‌కి `ఐకాన్` అనే క‌థ వినిపించాడు. ఆ సినిమా చేయ‌డానికి బన్నీ కూడా ఉత్సాహం చూపించాడు. సినిమా నిర్మించ‌డానికి దిల్ రాజు ముందుకొచ్చాడు. కానీ ఎందుక‌నో ఆ ప్రాజెక్టు ఆగిపోయింది. దాన్ని ఓ ప్ర‌యోగాత్మ‌క సినిమా అని భావించిన బన్నీ... ఆ రిస్క్ తీసుకోవ‌డానికి ఇష్ట‌ప‌డ‌లేదు. అయితే వ‌కీల్ సాబ్ హిట్ట‌యితే.. వేణు శ్రీ‌రామ్ కి మ‌ళ్లీ మంచి ఆఫ‌ర్లు వ‌స్తాయి. త‌న‌పై మ‌రింత న‌మ్మ‌కం క‌లుగుతుంది. అందుకే.. ఈసారి ఛాన్స్ ఇవ్వ‌డం రిస్క్ కాదు. కాబ‌ట్టే.. ఈ సినిమా హిట్ట‌వ్వాల‌ని బన్నీ కోరుకుంటున్నాడు. వ‌కీల్ సాబ్ బాగా ఆడితే... వేణుకి బన్నీ నుంచి పిలుపు రావ‌డం ఖాయం, ఐకాన్ ప‌ట్టాలెక్క‌డం ఖాయం.
