అల్లు శిరీష్‌ హీరోగా తెరకెక్కుతోన్న చిత్రం 'ఎబీసీడీ - అమెరికా బోర్న్‌ కన్య్ఫూజ్‌డ్‌ దేశీ' రిలీజ్‌ స్లాట్‌ కోసం వెయిట్‌ చేస్తోంది. ఈ పాటికే విడుదల కావల్సిన ఈ సినిమాకి సరైన స్లాట్‌ దొరక్క వాయిదా పడుతూ వచ్చింది. ఎట్టకేలకు మేలో విడుదల చేయడానికి రంగం సిద్ధం చేశారు. మధురా శ్రీధర్‌ రూపొందిస్తున్న ఈ సినిమాలో అల్లు శిరీష్‌ సరసన రుక్సార్‌ థిల్లాన్‌ హీరోయిన్‌గా నటిస్తోంది. డిఫరెంట్‌ ఎంటర్‌టైనర్‌గా రూపొందుతోన్న ఈ సినిమాపై అల్లు శిరీష్‌ చాలా ఆశలు పెట్టుకున్నాడు.
'ఒక్క క్షణం' సినిమాతో హిట్‌ కొట్టిన అల్లు శిరీష్‌ ఆ తదుపరి నటిస్తున్న సినిమా ఇది. అంచనాలు సంగతి పక్కన పెడితే, శిరీష్‌కి చెప్పుకోదగ్గ సినిమా అవుతుందని టాక్‌ వినిపిస్తోంది. మే 17న 'ఎబీసీడీ' విడుదల కానుంది. కాగా ఈ లోగా సినిమా ప్రమోషన్స్‌కి ప్లాన్‌ చేస్తున్నారట. ఇంతవరకూ సినిమాకి సంబంధించి ఎలాంటి అప్‌డేట్‌ రాలేదు ఒక్క మోషన్‌ పోస్టర్‌ తప్ప. భుజానికి బ్యాగేసుకుని హోవర్‌ బోట్‌పై అమెరికా నుండి అనకాపల్లి దాకా ట్రావెల్‌ చేసుకుంటూ కనిపించాడు ఆ మోషన్‌ పోస్టర్‌లో అల్లు శిరీష్‌.
పోస్టర్‌ ఇంట్రెస్టింగ్‌గానే డిజైన్‌ చేశారు. కానీ రిలీజై చాలా రోజులైంది కదా. జనం మర్చిపోయారు. ఫ్రెష్‌ అప్‌డేట్‌ ఇంకోటి కావాల్సి ఉంది. సో ఆ దిశగా చిత్రయూనిట్‌ కసరత్తులు చేస్తోందట. త్వరలో 'ఎబీసీడీ' టీజర్‌ కానీ, ట్రైలర్‌ కానీ విడుదల చేసే యోచనలో ఉందట. అప్పుడు కానీ సినిమాపై ఓ ఐడియాకి రాలేం. మొత్తానికి మనోడు స్లాట్‌ అయితే బుక్‌ చేసుకున్నాడు. చూడాలి మరి ఎలాంటి రిజల్ట్‌ అందుకుంటాడో.
