‘ఏబీసీడీ ` అమెరికన్‌ బోర్న్‌ కన్‌ఫ్యూజ్డ్‌ దేశీ’ సినిమా తర్వాత అల్లు శిరీష్‌ కామ్‌గా ఉండిపోయాడు. ఆ మధ్య సూర్య నటించిన ఓ సినిమాలో అల్లు శిరీష్‌ గెస్ట్‌ రోల్‌ పోషిస్తున్నాడనే టాక్‌ వినిపించింది. కానీ, లాస్ట్‌ మినిట్‌లో ఆ ఛాన్స్‌ తమిళ హీరో ఆర్య తన్నుకెళ్లిపోయాడు. ఆ సంగతి అటుంచితే, ప్రస్తుతం శిరీష్‌ ఏం చేస్తున్నట్లు.? అనే ప్రశ్న తాజాగా వార్తల్లోకొచ్చిన దర్మిలా, మనోడిపై కాస్త దృష్టి పెట్టిన మన టీమ్‌ అల్లు శిరీష్‌ ప్రాజెక్టును వెలుగులోకి తీసుకొచ్చింది. ప్రస్తుతం అల్లు శిరీష్‌ ఓ తమిళ ప్రాజెక్టును రీమేక్‌ చేసే పనిలో బిజీగా ఉన్నాడట. గ్రౌండ్‌ వర్క్‌ అంతా ప్రిపేర్‌ అయ్యిందట. త్వరలోనే అఫీషియల్‌గా ఆ ప్రాజెక్ట్‌ను అనౌన్స్‌ చేయనున్నాడనీ సమాచారం.
ఈ సినిమాకి డైరెక్టర్‌ ఎవరో అనే విషయంపైనా ఓ న్యూస్‌ చక్కర్లు కొడుతోంది. మెగా అల్లుడు కళ్యాణ్‌ దేవ్‌ డెబ్యూ మూవీ ‘విజేత’ను చాకచక్యంగా డీల్‌ చేసిన రాకేష్‌ శశితో శిరీష్‌ ఈ రీమేక్‌ చేస్తున్నాడట. హీరోయిన్‌, ఇతర వివరాలు త్వరలోనే వెల్లడి కానున్నాయట. ఇకపోతే, కెరీర్‌లో ‘శ్రీరస్తు శుభమస్తు’, ‘ఒక్క క్షణం’ వంటి సూపర్‌ హిట్స్‌ ఉన్న అల్లు శిరీష్‌ తాజా ప్రాజెక్టుతో నెక్స్‌ట్‌ లెవల్‌కి చేరుకుంటాడేమో చూడాలి మరి.
