ప్ర‌భాస్ - రాధాకృష్ణ కాంబినేష‌న్‌లో సినిమా మొద‌లై.. యేడాది కావొస్తున్నా, ఇప్ప‌టి వ‌ర‌కూ ఆ సినిమా టైటిల్ ఏంట‌న్న‌ది చెప్ప‌లేదు. ముందు జాన్ అనే పేరు బ‌య‌ట‌కు వ‌చ్చింది. ఆ త‌ర‌వాత‌.. రాధే శ్యామ అనే పేరు ప్ర‌చారంలోకి వ‌చ్చింది. ఓ డియ‌ర్ టైటిల్ కూడా అనుకుంటున్నారు. ఈ మూడింటిలో ప్ర‌భాస్ సినిమా పేరేంట‌న్న విష‌యంలో త్వ‌ర‌లోనే ఓ క్లారిటీ రానుంది. అవును.. ఉగాదిన ఈ సినిమా టైటిల్‌ని అధికారికంగా ప్ర‌క‌టిస్తార‌ని తెలుస్తోంది.

రాధే శ్యామ పేరు దాదాపు ఖాయం కావొచ్చు. లేదంటే.. ఇవ‌న్నీ కాద‌ని ఓ కొత్త పేరైనా ప్ర‌క‌టించొచ్చు. ఉగాదిన చిన్న టీజ‌ర్ కూడా ఉంటుంద‌ని, ఆ రోజు ఈ సినిమా రేంజేంటో తెలుస్తుంద‌ని గుస‌గుస‌లు వినిపిస్తున్నాయి. మ‌రి ప్ర‌భాస్ సినిమా టైటిల్ ఏమిటో తెలియాలంటే ఉగాది వ‌ర‌కూ ఆగాలి.