తెలుగులో మ‌రో బ‌యోపిక్ రాబోతోంది. ఈసారి విప్ల‌వ వీరుడు. మ‌న్యం దొర... అల్లూరి సీతారామ‌రాజు క‌థ‌ని వెండి తెర‌పైకి తీసుకొచ్చే ప్ర‌య‌త్నాలు జ‌రుగుతున్నాయి. ఈ చిత్రానికి పి.సునీల్ కుమార్ రెడ్డి ద‌ర్శ‌క‌త్వం వ‌హిస్తారు. 'సీతారామ‌రాజు - ఏ ట్రూ వారియ‌ర్‌' అనే పేరు పెట్టారు. మార్చిలో చిత్రీక‌ర‌ణ ప్రారంభిస్తారు. ఆగ‌స్టులో విడుద‌ల చేస్తారు.
తెలుగులో 'అల్లూరి సీతారామ‌రాజు' పేరుతో సినిమా విడుద‌లైంది. కృష్ణ క‌థానాయ‌కుడిగా న‌టించిన ఈ చిత్రం అప్ప‌ట్లో సంచ‌ల‌న విజ‌యం సాధించింది. అయితే అల్లూరి క‌థ‌కు, క‌మ‌ర్షియ‌ల్ హంగులు అద్దారు. ఈసారి బ‌యోపిక్ కాబ‌ట్టి.. ఉన్న‌ది ఉన్న‌ట్టు తీయాల్సిందే. స్క్రిప్టు ప‌నులు దాదాపుగా పూర్త‌య్యాయి. న‌టీన‌టుల ఎంపిక జ‌రుగుతోంది. అల్లూరి సీతారామ‌రాజు పాత్ర‌లో ఎవ‌రు న‌టిస్తారో చూడాలి మ‌రి.
