నటి అమలా పాల్ ఈ మధ్యకాలంలో ఎక్కువగా వివాదాల కారణంగానే వార్తలో నిలిస్తున్నారు. మొదటగా ఆమె భర్త నుండి విడిపోవడం ద్వారా పతాక శీర్షికలలోకి ఎక్కిన అమల ఇప్పుడు మరొక కొత్త వివాదంతో మళ్ళీ తెరపైకి వచ్చారు.

వివరాల్లోకి వెళితే, అమలా పాల్ ఈ మధ్యనే ఒక బెంజ్ కారు కొనుగోలు చేశారు. అయితే సదరు కారుని రిజిస్ట్రేషన్ చేసే సమయంలో ఆమె తప్పుడు దృవీకరణ పత్రాలు సమర్పించడం ద్వారా ప్రభుత్వానికి పన్ను ఎగవేశారు అన్నది ఆమె పైన ఆరోపణ.

ఇక ఆమె ఈ తప్పుడు దృవీకరణ పత్రాలు సమర్పించినందుకు ఆమెకి దాదాపు 5 నుండి 7 ఏండ్ల జైలు శిక్ష పడే అవకాశం ఉంది అని అందరు అంటున్న నేపధ్యంలో పాండిచ్చేరి కి చెందిన రవాణ శాఖ మంత్రి వివరణ ఇవ్వడం జరిగింది.

“మన దేశంలో ఏ ప్రాంతంలో కొన్న వాహనాన్ని అయిన మరొక ప్రదేశంలో రిజిస్ట్రేషన్ చేసుకునే అవకాశం ఉన్నందున ఆమె చేసిన దాంట్లో ఎటువంటి తప్పులేదు అని వివరణ ఇచ్చాడు”.