భారతీయ చలనచిత్ర పరిశ్రమలో జీవించి ఉన్న అతికొద్దిమంది లెజెండరీ నటుల్లో అమితాబ్ బచ్చన్ ఒకరు. ఈయన రేపు తన 75వ పుట్టినరోజు జరుపుకోన్నున్నారు.
అయితే ఈ మధ్యనే ఆయన తన జన్మదిన మరియు దీపావళి వేడుకలకి దూరంగా ఉండబోతున్నట్టు తెలిపారు. ఇక ఈ తరుణంలో ఆయన వ్యాఖ్యాతగా చేస్తున్న KBC షో నిర్వాహకులు బిగ్ B కి తెలియకుండా ఒక సర్ప్రైజ్ ప్లాన్ చేశారు.
అదేంటంటే- ఆయన ఉత్తరాఖండ్ రాష్ట్రంలోని నైనిటాల్ లో గల షేర్ వుడ్ కళాశాల ఉపాధ్యాయులు, విద్యార్ధుల చేత అమితాబ్ కి పుట్టినరోజు శుభాకాంక్షలు చెప్పించారు. ఈ వీడియోని ఆయన చూస్తూ పాత జ్ఞాపకాలు నెమరువేస్తూ ఒక్కసారిగా భావోద్వేగానికి గురయ్యారు.
ఈ షో ఆయన పుట్టినరోజునాడు టీవీలో ప్రసారం కానుంది.
