షూటింగ్‌ స్పాట్‌లో అమితాబ్‌ ఓ స్టార్‌లా కాకుండా, చాలా సింపుల్‌గా ఉంటారు. షూటింగ్‌ జరుగుతున్న సమయంలో సీన్‌ ఓకే అయిపోయిన తర్వాత కూడా 'ఓకేనా?' బెటర్‌మెంట్‌ కోసం ట్రై చేద్దామా అని అడుగుతారట. అమితాబ్‌ అంతటి గొప్ప నటుడు అలా అడుగుతుంటే, డైరెక్టర్‌తో సహా మిగిలిన టీమ్‌ అంతా ఆశ్చర్యపోయేవారట.
మన టాలీవుడ్‌కి అయితే ఇది కొత్త కానీ, ఆయన బాలీవుడ్‌లో చేసే ప్రతీ సినిమాలోనూ ఇలాగే ఉంటుందట. ఇంత వయసులోనూ కూడా ఆయన పోషించే ప్రతీ పాత్రనూ ఛాలెంజింగ్‌గా తీసుకుంటారాయన. ఎక్కువగా ఛాలెంజింగ్‌ సినిమాలనే ఎంచుకుంటారాయన. ఆయన నుండి మామూలుగానే రెగ్యులర్‌ సినిమాలు రానే రావు అసలు. అందుకే ఆయన బాలీవుడ్‌కి మెగాస్టార్‌ అయ్యారు. గతంలో ఒకటి, రెండు తెలుగు చిత్రాల్లో అమితాబ్‌ నటించారు.
నాగార్జున హీరోగా నటించిన 'మనం'లో గెస్ట్‌ రోల్‌లో కనిపించారు అమితాబ్‌. మళ్లీ ఇప్పుడు చిరంజీవి కోసం 'సైరా నరసింహారెడ్డి' సినిమాలో నటిస్తున్నారు. 'సైరా'లో ఆయన పాత్ర తాలూకు గెటప్‌ అందర్నీ ఆకట్టుకుంటోంది. గురువులా అనిపిస్తున్నారాయన గెటప్‌ చూస్తుంటే. చిరంజీవి కోసమే ఆయన ఈ సినిమాలో నటించేందుకు డేట్స్‌ ఇచ్చారు.
ఇదిలా ఉంటే, బాలకృష్ణ సినిమాలోనూ అమితాబ్‌ నటించాల్సి ఉంది. పలు కారణాల వల్ల బాలయ్యతో ఆ డీల్‌ సెట్‌ కాలేదు. దాంతో మొత్తానికి ఆ ప్రాజెక్టే వాయిదా పడిపోయింది.
