శంకర్‌ దర్శకత్వంలో తెరకెక్కుతోన్న సినిమా 'రోబో 2.0. సూపర్‌ స్టార్‌ రజనీకాంత్‌ హీరోగా నటిస్తున్న ఈ సినిమాలో అమీ జాక్సన్‌ హీరోయిన్‌గా నటిస్తోంది. ఈ సినిమాలో అమీజాక్సన్‌ క్యారెక్టర్‌కి సంబంధించిన స్టిల్‌ తాజాగా విడుదలైంది. 'ఎప్పుడెప్పుడు ఈ స్టిల్‌ బయటికి వస్తుందా అని ఎంతో క్యూరియాసిటీగా ఎదురు చూస్తున్నాను..' అంటూ ముద్దుగుమ్మ అమీజాక్సన్‌ ఈ ఫోటోని సోషల్‌ మీడియాలో పోస్ట్‌ చేసింది. లేడీ రోబోగా అమీజాక్సన్‌ మైండ్‌ బ్లోయింగ్‌ అనిపిస్తోంది. 'రోబో'కి సీక్వెల్‌గా తెరకెక్కుతోన్న సినిమా ఇది. 'రోబో' మొదటి పార్ట్‌లో ఐశ్వర్య రాయ్‌ నటించింది. సూపర్‌ స్టార్‌తో జత కట్టడం చాలా ఆనందంగా ఉందంటోంది ముద్దుగుమ్మ అమీజాక్సన్‌. లేడీ రోబోగా తన పాత్రకు ప్రత్యేకత ఉందంటోంది. అలాగే ఈ గెటప్‌లో తనని తాను చూసుకోవడం భలే థ్రిల్‌గా ఉ ందంటోంది. 'ఐ' సినిమాలో అమీజాక్సన్‌ అందాలకు మంత్ర ముగ్ధులైపోయారు ఆడియన్స్‌. ఆ సినిమాలోని ఓ పాటలో రకరకాల గెటప్స్‌తో కనిపించింది అమీ. మామూలుగానే శంకర్‌ సినిమాల్లో హీరోయిన్స్‌ చాలా అందంగా.. అంతకు మించి, గ్లామరస్‌గా కనిపిస్తారు. అందులోనూ 'రోబో' చాలా ప్రత్యేకమైన సినిమా. కాబట్టి, హీరోయిన్‌గా లేడీ రోబోగా తన గెటప్‌ చాలా చాలా స్పెషల్‌ అంటోంది అమీజాక్సన్‌. తన కెరీర్‌లో 'రోబో 2.0' ఓ ప్రత్యేకమై సినిమా అంటోందీ ముద్దుగుమ్మ. బాలీవుడ్‌ నటుడు అక్షయ్‌ కుమార్‌ విలన్‌గా నటిస్తున్నాడు. ఆల్రెడీ అక్షయ్‌ కుమార్‌ ఫస్ట్‌లుక్‌కి మంచి రెస్పాన్స్‌ వస్తోంది. అత్యంత భారీ బడ్జెట్‌తో తెరకెక్కుతోన్న ఈ సినిమా త్వరలోనే ప్రేక్షకుల ముందుకు రానుంది.