'మీకు మాత్రమే చెప్తా' అనే టైటిల్‌తో ఓ సినిమా రూపొందుతోన్న సంగతి తెలిసిందే. ఈ సినిమాని రౌడీస్టార్‌ విజయ్‌ దేవరకొండ నిర్మిస్తున్న సంగతి తెలిసిందే. 'పెళ్లి చూపులు' దర్శకుడు తరుణ్‌ భాస్కర్‌ హీరోగా నటిస్తున్నాడు. ఈ సినిమాని త్వరలో ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఆ క్రమంలో ప్రమోషన్స్‌ భారీ ఎత్తున నిర్వహిస్తున్నారు హీరో తరుణ్‌ భాస్కర్‌ అండ్‌ గ్యాంగ్‌ ప్రమోషన్స్‌లో యాక్టివ్‌గా పాల్గొంటున్నారు.
ఇక ఈ సినిమాలో రంగమ్మత్త అనసూయ సోషలిస్ట్‌గా ఓ కీలక పాత్ర పోషిస్తోన్న సంగతి తెలిసిందే. అనసూయకున్న ఫాలోయింగ్‌ని ఈ సినిమా ప్రమోషన్స్‌ కోసం బాగానే వాడేస్తున్నట్లు కనిపిస్తోంది. తాజాగా జరిగిన ప్రమోషన్స్‌లో తరుణ్‌ భాస్కర్‌తో కలిసి అనసూయ తెగ హల్‌చల్‌ చేసింది. తనదైన గ్లామర్‌ లుక్‌లో కనిపించి, కుర్రకారును హోరెత్తించింది. నేటి యువత విచ్చలవిడిగా మొబైల్‌ వాడకంతో ఎలాంటి చిక్కులు ఎదుర్కొంటోంది అనే అంశాన్ని ఎంటర్‌టైనింగ్‌గా చూపించారు ఈ సినిమాలో.
ఇటీవల విడుదల చేసిన ప్రచార చిత్రానికి మంచి రెస్పాన్స్‌ వచ్చింది. విచిత్రమైన టైటిల్‌, డిఫరెంట్‌ స్క్రీన్‌ప్లే, యూత్‌కి కరెక్ట్‌గా కనెక్ట్‌ అయ్యే కాన్సెప్ట్‌తో ఈ సినిమాని రూపొందించారు. 'పెళ్లి చూపులు' తరహాలో ఈ సినిమా కూడా యూత్‌లో క్రేజ్‌ అందుకుంటుందని చిత్ర యూనిట్‌ భావిస్తోంది. త్వరలో ప్రేక్షకుల ముందుకు రానున్న 'మీకు మాత్రమే చెప్తా' ఎలాంటి ఫలితాన్ని అందుకుంటుందో చూడాలిక.
