బ‌యోపిక్ ల కాలం ఇది. ఎవ‌రి క‌థ కాసులు కురిపిస్తుందా? అని ఎదురు చూస్తున్నారంతా. సినిమా వాళ్ల బ‌యోపిక్‌ల‌కు మ‌రింత గిరాకీ ఏర్ప‌డింది. తాజాగా.. సిల్క్ స్మిత బ‌యోపిక్ కూడా రూపొందుతోంద‌ని, అందులో అనసూయ న‌టించ‌బోతోంద‌ని వార్త‌లొస్తున్నాయి. స్మిత పాత్రలో అనసూయ బాగా సూట‌వుతుంద‌ని, ఇద్ద‌రూ శృంగార తార‌లే అని.. అభిమానులూ ఫిక్స‌య్యారు. అయితే.. ఈ వార్త‌ల్ని ఖండించింది అనసూయ.
తాను ఎలాంటి బ‌యోపిక్‌లో న‌టించ‌డం లేద‌ని, స్మిత పాత్ర చేస్తున్నాన్న వార్త‌ల్లో నిజం లేద‌ని తేల్చి చెప్పింది. అనసూయ తాజాగా తమిళంలో అరంగేట్రం చేస్తోంది. ఈ సినిమా చిత్రీకరణ భాగంగా సిల్క్‌స్మితను తలపించేలా దిగిన ఓ ఫొటోను అనసూయ సోషల్‌ మీడియా ద్వారా అభిమానులతో పంచుకున్నది. సిల్క్‌స్మితను రిఫరెన్స్‌గా తీసుకొని దిగిన ఫొటో ఇదని అనసూయ పేర్కొంది. ప్రస్తుతం తమిళంలో సిల్క్‌స్మిత జీవితం ఆధారంగా ‘అవల్‌ అప్పడిథాన్‌' పేరుతో ఓ సినిమా రూపొందుతోంది. అనసూయ ఫొటో ఆ సినిమాలోనిదేనంటూ ప్రచారం జరిగింది. సిల్క్‌స్మిత పాత్రలో అనసూయ నటించబోతున్నదని వార్తలొచ్చాయి. అనసూయ స్టేట్‌మెంట్ తో అది పుకారే అని తేలిపోయింది.
