రానా క‌థానాయ‌కుడిగా న‌టిస్తున్న చిత్రం విరాట‌ప‌ర్వం. ఇప్ప‌టికే ఈసినిమాలో బోలెడంత మంది స్టార్లు క‌నిపించ‌బోతున్నారు. ఆ సంఖ్య రోజు రోజుకీ పెరుగుతోంది. క‌థానాయిక‌గా సాయి ప‌ల్ల‌వి న‌టిస్తున్న సంగ‌తి తెలిసిందే. ఆమెతో పాటు.. ప్రియ‌మ‌ణి, ట‌బు, నందితాదాస్‌లూ కీల‌క పాత్ర‌ల్లో మెరుస్తారు. వీళ్ల‌తో పాటు .. నివేదా థామ‌స్ కూడా సంద‌డి చేయ‌బోతోంద‌ని టాక్‌.
ఈ చిత్రంలో ఓ కీల‌క‌మైన పాత్ర కోసం నివేదాని ఎంచుకున్నార్ట. నివేదా క‌నిపించేది కొద్దిసేపే అని, అయితే ఈ పాత్ర‌కీ చాలా ప్రాధాన్యం ఉంటుంద‌ని తెలుస్తోంది. అంద‌రికంటే ప్రియ‌మ‌ణి పాత్ర కీల‌క‌మ‌ని స‌మాచారం. ఆమె నిడివి ఎక్కువ ఉండ‌డ‌మే కాదు, ప్రియ‌మ‌ణి స‌న్నివేశాల‌తో ఈ క‌థ రేంజే మారిపోతుంద‌ని టాక్‌. చిన్న పాత్ర‌ల్ని సైతం పెద్ద న‌టీన‌టులకు అప్ప‌గించ‌డం వ‌ల్ల, ఈ సినిమా స్కేల్ మ‌రింత పెర‌గ‌డం ఖాయం. వేణు ఉడుగుల ద‌ర్శ‌క‌త్వం వ‌హిస్తున్న ఈ చిత్రంలో క‌మ్యునిజం భావాలు మెండుగా క‌నిపిస్తాయని, అయితే వాటి మ‌ధ్య ఓ అంద‌మైన ప్రేమ క‌థ కూడా న‌డుస్తుంద‌ని స‌మాచారం.
