బుల్లి తెరపైనా కాదు, వెండి తెరపైనా త‌న‌దైన గుర్తింపు సంపాదించుకుంది అన‌సూయ. వ‌య‌సు పైబడుతున్నా, తెర‌పై `అత్త` పాత్ర‌లు చేసినా - ఆమె వ‌న్నె చిన్నెలేం త‌గ్గ‌లేదు. పెద్ద పెద్ద సినిమాల్లో అన‌సూయ‌కు ఆఫ‌ర్లు వ‌స్తున్నాయి. తాజాగా 'పుష్స'లోనూ అన‌సూయ ఓ మంచి పాత్ర సంపాదించింద‌ని టాక్‌. ప‌వ‌న్ క‌ల్యాణ్ సినిమాలోనూ త‌న‌కు ఛాన్స్ వ‌చ్చింద‌ని చెప్పుకుంటున్నారు. అది ఎంత వ‌ర‌కూ నిజ‌మో తెలీదు గానీ, ప‌వ‌న్‌తో క‌ల‌సి న‌టించే ఛాన్స్ కోసం అన‌సూయ కూడా ఎంతో ఆత్రంగా ఎదురు చూస్తోంది.
తాజాగా అన‌సూయ సోష‌ల్ మీడియాలో త‌న అభిమానుల‌తో చాట్ చేసింది. ఈ సంద‌ర్భంగా కొన్ని ఆస‌క్తిక‌ర‌మైన విష‌యాలు పంచుకుంది. ప‌వ‌న్ క‌ల్యాణ్‌తో సినిమా ఎప్పుడు చేస్తారు? అని ఓ నెటిజ‌న్ అడిగిన ప్ర‌శ్న‌కు స‌మాధానం ఇస్తూ ''నేను కూడా ఆ అవ‌కాశం కోసం ఆస‌క్తిగాగా ఎదురు చూస్తున్నా'' అని స‌మాధానం ఇచ్చింది. క్రిష్‌సినిమాలో అన‌సూయ‌కు అవ‌కాశం వ‌చ్చింద‌ని వార్త‌లొచ్చాయి. వాటిపై మాత్రం అన‌సూయ ఇంత వ‌ర‌కూ స్పందించ‌లేదు.
