హాట్‌ యాంకర్‌ స్వీట్‌ డాక్టర్‌.!

By iQlikMovies - October 26, 2018 - 13:42 PM IST

మరిన్ని వార్తలు

బుల్లితెరపై హాటెస్ట్‌ యాంకర్‌గా పేరు తెచ్చుకుని, వెండితెరపై అప్పుడప్పుడూ మెరుపుతీగలా మెరిసిపోతున్న రష్మీ గౌతమ్‌కి హెల్త్‌ ప్రాబ్లెమ్‌ ఉండేది చిన్నప్పుడు. ఇమ్యూన్‌ సమస్య అది. చిన్నప్పుడు తీవ్రంగా వేధించేదట ఆ సమస్య. ఇప్పుడు కూడా అప్పుడప్పుడూ ఎంతోకొంత ఆ సమస్య కారణంగా ఇబ్బంది ఎదురవుతూనే ఉంది రష్మీకి. 

ఓ సందర్భంలో అభిమానులకు సోషల్‌ మీడియా ద్వారా ఈ విషయం గురించి చెప్పింది రష్మి. దాంతో అలాంటి సమస్యలు ఎదుర్కొంటున్న కొంతమంది అభిమానులు ఆ సమస్య నుండి బయటపడడమెలా.? అని రష్మీని సలహాలు అడుగుతున్నారు. దానికి రష్మీ తనకు చేతనైన, తాను పాఠించిన కొన్ని సలహాలు ఇస్తోంది. ఆ సలహాలు వారికి ఉపయోగకరంగానే ఉంటున్నాయి. సరైన ఆహారం తీసుకోవడం, తగినంత విశ్రాంతి తీసుకోవడంలాంటి చిన్న చిన్న చిట్కాలన్న మాట అవి. 

ఇదంతా బాగానే ఉంది. కానీ రష్మీ ఇచ్చే ఈ చిరు సలహాల మీద కొందరు సోషల్‌ మీడియాలో సెటైర్లు వేస్తున్నారు. 'డాక్టర్‌ రష్మీ' అంటూ ఎగతాళి చేస్తున్నారు. సమస్య వెటకారం చేసేంత చిన్నది కాదని అలాంటి వారికి కాస్త ఘాటుగానే సమాధానమిచ్చేస్తోంది ఈ బుల్లితెర బ్యూటీ. వెండితెరపై అందాల ఆరబోత విషయంలో అస్సలు మొహమాటపడకుండా రెచ్చిపోవడం రష్మీకి కొత్తేమీ కాదు. 

బుల్లితెరపై ఎప్పుడూ చలాకీగా కనిపించే రష్మీకి ఇంత తీవ్రంగా వేధించే ఇలాంటి అనారోగ్య సమస్య వుందంటే నమ్మగలమా.?


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS