ఒక్క ఐడియానే కాదు, ఒక్కోసారి ఒక్క సలహా కూడా ఒకరి జీవితాన్ని మార్చేస్తుంది. అయితే అది ఆ సలహా ఇచ్చేవారిని బట్టి, తీసుకునేవారిని బట్టి కూడా ఆధారపడి ఉంటుంది. యాంకర్గా ఇప్పుడు మంచి పేరు తెచ్చుకున్న రవికి కూడా ఒకరి సలహా చాలా ఉపయోగపడింది. జీవితం టర్న్ అయిపోయేంతగా సహాయపడింది. ఆ సలహా ఇచ్చింది ఎవరో కాదు.. కింగ్ నాగార్జున.
నిజానికి యాంకర్ రవికి సైన్యంలో చేరాలని ఉండేదట. నేషనల్ డిఫెన్స్ అకాడమీలో కొంతకాలం శిక్షణ కూడా తీసుకున్నాడు. కానీ అక్కడి పద్ధతులు నచ్చక ఇంటికొచ్చేశాడు. ఆ తరవాత డాన్స్ మాస్టర్గా అవతారం ఎత్తాడు. సెలబ్రెటీలకు డాన్స్ క్లాసులు తీసుకునేవాడట. అలానే నాగార్జున, అమలతో పరిచయం అయ్యింది. ఓసారి ఫంక్షన్లో `నువ్వు ఏమవుదామనుకుంటున్నావు` అని రవిని నాగ్ అడిగారట. `నేను హీరో అవుదామనుకుంటున్నా` అన్నాడట రవి. హీరో అవ్వడం అంత సులభం కాదు, అని నాగార్జున క్లాసు పీకి, బాగా తట్టి.. `నువ్వు యాంకర్ అయితే బాగుంటుంది` అని ఓ ఛానల్ హెడ్ని కలవమని చెప్పార్ట. దాంతో రవి యాంకరింగ్ వైపు రావాల్సివచ్చింది. ఇప్పుడు టాలీవుడ్ లోనే పేరెన్నదగిన యాంకర్ అయ్యాడు. ఒకట్రెండు సినిమాల్లోనూ నటించి హీరో అవ్వాలన్న కల నేరవేర్చుకున్నాడు. అదీ.. హీరో అవ్వాలనుకున్న యాంకర్ రవి ఫ్లాష్ బ్యాక్.