అందాల భామ ఏంజెలా 'రోగ్‌' సినిమాతో విపరీతమైన పబ్లిసిటీ పొందింది. ఈ బ్యూటీ గురించి కథలు కథలుగా అందరూ చర్చించుకున్నారు. అయితే సినిమా విడుదలయ్యాక ఏంజెలాకి అందులో సీన్‌ తక్కువని తేలింది. ఇంకో వైపున బొద్దుగుమ్మ మనారా చోప్రా తన గ్లామర్‌తోనూ, నటనతోనూ ఏంజెలాని డామినేట్‌ చేసేసింది. అయితే అవేమీ తాను పట్టించుకోనంటోంది. 'రోగ్‌' సినిమాతో తనకు మంచి పబ్లిసిటీ దక్కిందనీ, ఇప్పుడు మంచి అవకాశాల కోసం ఎదురుచూస్తున్నాననీ చెబుతోందీ భామ. సోషల్‌ మీడియాలో హీటెక్కించే ఫొటోలతో ఎంజెలా, సరైన ఛాన్స్‌ దొరికితే సత్తా చాటుతానని ధీమా వ్యక్తం చేస్తోంది. గ్లామర్‌ వరకూ ఏంజెలాకి వంక పెట్టలేం. కానీ ఈ బ్యూటీ తెలుగు హీరోయిన్‌గా నిలదొక్కుకోవాలంటే యాక్టింగ్‌లోనూ సత్తా చాటాలి. ఆల్‌ ది బెస్ట్‌ టు ఏంజెలా.
