అనిల్ రావిపూడి త్వ‌ర‌లోనే బాల‌కృష్ణ‌తో ఓసినిమా చేయ‌బోతున్నాడ‌న్న వార్త నంద‌మూరి అభిమానుల్లో ఉత్సాహం నింపింది. అనిల్ ఇప్పుడు టాప్ లిస్టులో ఉన్న ద‌ర్శ‌కుడు. ఒక్క ఫ్లాపూ త‌న కెరీర్‌లో లేదు. బాల‌య్య‌కు ఇప్పుడో హిట్టు అత్య‌వ‌స‌రం. ఈ నేప‌థ్యంలో ఇద్ద‌రూ క‌లిస్తే ఫ్యాన్స్‌కి పండ‌గే. అందుకే.. ఈ కాంబినేష‌న్‌లో సినిమా వ‌స్తుంద‌ని గ‌ట్టి ఆశ‌లే పెట్టుకున్నారు. `ఎఫ్ 3` కంటే ముందే ఈ సినిమా ప‌ట్టాలెక్కుతుంద‌ని తెలిసి ఇంకా హ్యాపీగా ఫీల‌య్యారు. కానీ... ఈ కాంబినేష‌న్‌లో సినిమా ఇప్ప‌ట్లో లేద‌ట‌.

ప్ర‌స్తుతం అనిల్ రావిపూడి దృష్టి ఎఫ్ 3పైనే ఉంద‌ని, అది పూర్త‌య్యాకే మిగిలిన ప్రాజెక్టుల గురించి ఆలోచిస్తాడ‌ని ఆయ‌న స‌న్నిహిత వ‌ర్గాలు చెబుతున్నాయి. బాల‌య్య చేతిలో బోయ‌పాటి సినిమా కూడా ఉంది. అది కూడా పూర్త‌వ్వాలిగా. లాక్ డౌన్ ఎత్తేసిన వెంట‌నే.. ఈ సినిమా షూటింగ్ మొద‌లెట్టాల‌ని బోయ‌పాటి కూడా ఉత్సాహంగా ఉన్నాడు. సో.. అటు బాల‌య్య ఇటు అనిల్ రావిపూడి ఎవ‌రి సినిమాల్లో వాళ్లు బిజీగా ఉన్నారు. ఈ కాంబో క‌నెక్ట్ అవ్వాలంటే ఇంకొంత కాలం ఎదురు చూడాల్సిందే.