ఇస్మార్ట్ శంక‌ర్‌తో ఓ సూప‌ర్ హిట్టు కొట్టాడు పూరి జ‌గ‌న్నాథ్‌. ఆ విజ‌యం పూరిలో స‌రికొత్త ఉత్సాహాన్ని నింపింది. ఆ వెంట‌నే విజ‌య్ దేవ‌ర‌కొండ‌తో ఓ సినిమా మొద‌లెట్టాడు. అదీ పాన్ ఇండియా స్థాయిలో. ఇప్పుడు ఏకంగా బాలీవుడ్ లో ఓ సినిమా చేయ‌డానికి ప్లాన్ చేశాడు. త్వ‌ర‌లోనే ఓ బాలీవుడ్ సినిమా చేస్తున్నాన‌ని పూరి ఇటీవ‌ల ప్ర‌క‌టించాడు. అందులో ఓ అగ్ర క‌థానాయ‌కుడు న‌టిస్తాడ‌ని చెప్పాడు. ఆ హీరో ఎవ‌ర‌న్న విష‌యంలో అంద‌రిలోనూ ఆస‌క్తి నెల‌కొంది. ఆ హీరో స‌ల్మాన్ ఖాన్ అయ్యే అవ‌కాశం ఉంద‌ని టాక్‌.
స‌ల్మాన్‌తో పూరి ట‌చ్‌లో ఉన్నాడ‌ని, ఇప్ప‌టికే లైన్ కూడా వినిపించేశాడ‌ని టాక్‌. పూరి ని స్టార్ డైరెక్ట‌ర్‌గా మార్చిన పోకిరిని స‌ల్మాన్ `వాంటెడ్` పేరుతో రీమేక్ చేసి సూప‌ర్ హిట్టు కొట్టాడు. అప్ప‌టి నుంచీ పూరి అంటే సల్మాన్‌కి అభిమానం. ఇద్దరూ ఓ సినిమా చేసే అవ‌కాశం ఉంద‌ని అప్ప‌టి నుంచీ వార్తలు వ‌స్తూనే అన్నాయి. అది ఇప్పుడు నిజ‌మ‌య్యే ఛాన్సులున్నాయి.
