ఎఫ్ 2తో మ‌రో సూప‌ర్ హిట్టు కొట్టాడు అనిల్ రావిపూడి. ఆ సినిమా వంద కోట్ల క్ల‌బ్ లో చేరిపోవ‌డంతో... అనిల్ క్రేజ్ మ‌రింత పెరిగింది. అందుకే మహేష్ బాబుతో సినిమా చేసే అవ‌కాశాన్ని అతి త్వ‌ర‌గా అందుకోగ‌లిగాడు. ఇప్పుడు ఎఫ్ 3 కోసం ప‌నులు జ‌రుగుతున్నాయి. ఇప్ప‌టికే ఈ స్క్రిప్టు లాక్ చేసేశాడు. ఇందులో మ‌రో హీరో కూడా క‌నిపిస్తార‌ని ముందు నుంచీ ప్ర‌చారంజ‌రుగుతూనే వుంది. అందుకు ఆస్కారం ఉంది అని అనిల్ రావిపూడి కూడా హింట్ ఇచ్చేశాడు.
ఇప్పుడు ఆ మూడో హీరో ఎవ‌రన్న ఆస‌క్తి నెలకొంది. మహేష్ బాబు పేరు ప్ర‌ముఖంగా వినిపించినా, అందుకు అవ‌కాశాలు త‌క్కువే అని తెలుస్తోంది. మూడో హీరో పాత్ర కు పెద్ద‌గా ప్రాధాన్యం ఏమీ లేదు. జ‌స్ట్ అతిధి పాత్ర అనుకోవాలంతే. ద్వితీయార్థంలో ఈ పాత్ర ప్ర‌వేశిస్తుంది. ప‌తాక స‌న్నివేశాల వ‌రకూ అక్క‌డ‌క్క‌డ మెరుస్తుంటుంది. ఎంత కాద‌న్నా క‌నీసం 15 నిమిషాల నిడివి ఉన్న పాత్ర అది. ర‌వితేజ, సాయిధ‌ర‌మ్ తేజ్‌, నాని.. ఇలా కొంత‌మంది పేర్లు ప‌రిశీల‌న‌కు వ‌చ్చాయి. మ‌రి అందులో ఎవ‌రు సెట్ అవుతారో చూడాలి.
