గ‌బ్బ‌ర్ సింగ్ - ఈ పేరు చెబితే, ప‌వ‌న్ ఫ్యాన్స్ ఇప్ప‌టికీ తీన్ మార్ ఆడేస్తుంటారు. ఎందుకంటే ఆ సినిమా చేసిన మాయాజాలం అలాంటిది. ఓ రీమేక్ ని ఇలాక్కూడా తీయొచ్చా? అనుకునేలా ఆ సినిమాని తెర‌కెక్కించాడు హ‌రీష్ శంక‌ర్‌. నేటితో గ‌బ్బ‌ర్ సింగ్ కి ఎనిమిదేళ్లు. ఎనిమిదేళ్లుగా ఈ సినిమా గురించి ఫ్యాన్స్ ఇంకా మాట్లాడుకుంటూనే ఉన్నారు. ఇప్పుడు ప‌వ‌న్ - హ‌రీష్ ల కాంబో మ‌రోసారి రీపీట్ అవ్వ‌బోతోంది. మైత్రీ మూవీస్ ఈ సినిమాని నిర్మిస్తోంది.

ఇప్పుడు మ‌రో గుడ్ న్యూస్‌. ఈ చిత్రానికి దేవిశ్రీ ప్ర‌సాద్ ని సంగీత ద‌ర్శ‌కుడిగా ఎంచుకున్నార‌ని మైత్రీ మూవీస్ ప్ర‌క‌టించింది. అంటే ప‌వ‌న్ - హ‌రీష్ - దేవిశ్రీ ఈ మాయాజాలాన్ని మ‌రోసారి చూడొచ్చ‌న్న‌మాట‌. ప‌వ‌న్ సినిమాల‌కు దేవి ఎప్పుడూ అదిరిపోయే సంగీతాన్నే అందించాడు. అందులో గ‌బ్బ‌ర్ సింగ్ మ‌రింత ప్ర‌త్యేకం. ఆ సినిమాలోని పాట‌లే కాదు, బీజియ‌మ్స్ కూడా సూప‌ర్ హిట్టే. మ‌రోసారి ప‌వ‌న్‌కి దేవి ఎలాంటి పాట‌లు ఇస్తాడో అనే ఆస‌క్తి ఇప్ప‌టి నుంచే మొద‌లైపోయింది. మ‌రి ఈ మ్యాజిక్ ఎలా ఉంటుందో..?

It is a wonderful day. As enrgetic as the release day 8 years ago. What better day to announce that we are coming back together to recreate the same musical energy again. @ThisisDSP will be scoring music for #PSPK28.
We are coming again
Ippude modalaindi.... pic.twitter.com/hXTA0cPDXW

— Harish Shankar .S (@harish2you) May 11, 2020