అనిరుధ్‌ అంటే ఒకప్పుడు కొలవెరి కుర్రోడిగానే తెలుగు ప్రేక్షకులకు తెలుసు. ఇప్పుడు అనిరుధ్‌ అంటే టాలీవుడ్‌లో మోస్ట్‌ వాంటెడ్‌ మ్యూజిక్‌ డైరెక్టర్‌. తమిళంలో చాలా సినిమాలు చేస్తున్నా, తెలుగులో 'అజ్ఞాతవాసి'తోనే అనిరుధ్‌కి ఫాలోయింగ్‌ పెరిగింది.'అజ్ఞాతవాసి' రిలీజ్‌కి ముందే టాలీవుడ్‌లో టాప్‌ మ్యూజిక్‌ డైరెక్టర్స్‌లో ఒకడిగా గుర్తింపు తెచ్చుకున్నాడు అనిరుధ్‌. 

'అజ్ఞాతవాసి' సినిమా తర్వాత ఎన్టీఆర్‌ సినిమా చేస్తున్నాడు. ఇప్పుడీ యంగ్‌ మ్యూజిక్‌ డైరెక్టర్‌కి టాలీవుడ్‌లో రికార్డు స్థాయిలో రెమ్యునరేషన్‌ ఇవ్వడానికి నిర్మాతలు ముందుకొస్తున్నారట. తమిళంలోనూ, స్టార్‌ మ్యూజిక్‌ డైరెక్టర్‌గా అనిరుధ్‌ గుర్తింపు తెచ్చుకున్నాడు. ఈ సంక్రాంతికి తెలుగులో అనిరుధ్‌ రెండు సినిమాలతో సందడి చేస్తున్నాడు. అందులో ఒకటి స్ట్రెయిట్‌ సినిమా 'అజ్ఞాతవాసి', రెండోది డబ్బింగ్‌ సినిమా 'గ్యాంగ్‌'. సూర్య హీరోగా నటిస్తున్నాడు ఈ చిత్రంలో. 

తెలుగు, తమిళం ఈ రెండు భాషలను తీసుకుంటే, టాప్‌ 5 మ్యూజిక్‌ డైరెక్టర్స్‌లో ఒకడిగా అనిరుధ్‌ గురించి చెప్పుకుంటున్నారు. 'అజ్ఞాతవాసి', 'గ్యాంగ్‌' రిలీజయ్యాక టాప్‌ 3 లోకి అనిరుధ్‌ వెళ్లడం ఖాయమంటున్నారు. తెలుగులో త్రివిక్రమ్‌ శ్రీనివాస్‌ తెరకెక్కించిన 'అ,ఆ' సినిమాతోనే అనిరుధ్‌ ఎంట్రీ ఇవ్వాల్సి ఉంది. అయితే అప్పుడు కుదరలేదు. కానీ పవర్‌ స్టార్‌ సినిమాతో అనిరుధ్‌ ఎంట్రీ పవర్‌ఫుల్‌గా ఉంది. వరుసగా రెండో సినిమాకీ స్టార్‌ హీరో ఎన్టీఆర్‌ సినిమాకి ఛాన్స్‌ కొట్టేశాడు. ఈ సినిమా కూడా త్రివిక్రమ్‌ దర్శకత్వంలోనే తెరకెక్కుతుండడం విశేషం.