పవన్‌ కళ్యాణ్ అంటే పవర్‌. పవర్‌ అంటే పవన్ కళ్యాణ్. ఈ విషయం ప్రత్యేకించి చెప్పనక్కర్లేదు. అందుకే ఆయన పవర్‌ స్టార్‌ అయ్యారు. అయితే తాజాగా ఈ విషయాన్ని లేటెస్ట్‌ భామ అనూ ఇమ్మాన్యుయేల్‌ సోషల్‌ మీడియా ద్వారా చెప్పింది. ఇందులో వింతేముంది అనుకుంటున్నారా? పవన్‌ కళ్యాణ్‌తో 'అజ్ఞాతవాసి' (వర్కింగ్‌ టైటిల్‌) సినిమాలో నటిస్తోంది ఈ ముద్దుగుమ్మ. సినిమాలోని ఓ ఫోటోని పోస్ట్‌ చేస్తూ 'పవర్‌' అని ట్వీట్‌ చేసింది ఈ ముద్దుగుమ్మ. ఆ ఫోటో ఎలా ఉందంటే, కారులో పవన్‌ కూర్చున్నట్లు, కారు ఫ్రంట్‌ మిర్రర్‌లోంచి పవన్‌ చూస్తున్నట్లుగా ఉంది ఆ ఫోటో. చిరుత చూపుల్లాంటి ఆ చూపుల్లోనే పవర్‌ అంతా ఉందని ఈ ముద్దుగుమ్మ చెబుతోంది. 

ఆ విషయం అనూ ఇమ్మాన్యుయేల్‌ ఏంటి ఎప్పుడో అందరికీ తెలుసు. అయితే ప్రస్తుతం ఈ ముద్దుగుమ్మ పవన్‌తో కలిసి సినిమా చేస్తోంది. కాబట్టి, పవన్‌ని దగ్గరగా ఫాలో చేస్తోంది కాబట్టి, తన ఎగ్జయిట్‌మెంట్‌ని అలా పంచుకుంటోంది. త్రివిక్రమ్‌ దర్శకత్వంలో తెరకెక్కుతోంది ఈ సినిమా. డిశంబర్‌లో 24న ఈ సినిమా ఆడియో విడుదల చేసే ఆవకాశాలున్నాయి. ఇప్పటికే ఓ ఆడియో సింగిల్‌ దుమ్ము దులిపేస్తోంది. తమిళ డైరెక్టర్‌ అనిరుధ్‌ ఈ సినిమాకి సంగీతం అందిస్తున్నారు. 

అనూ ఇమ్మాన్యుయేల్‌తో పాటు, మరో ముద్దుగుమ్మ కీర్తి సురేష్‌ హీరోయిన్‌గా నటిస్తోంది. సీనియర్‌ నటి కుష్బూ కీలక పాత్ర పోషిస్తోంది. పవన్‌ కళ్యాన్‌ సాఫ్ట్‌వేర్‌ ఉద్యోగిగా కనిపిస్తున్నాడు. స్లిమ్‌ అండ్‌ హ్యాండ్‌సమ్‌ లుక్స్‌తో ఆకట్టుకోనున్నాడు. సంక్రాంతికి ఈ సినిమాను ప్రేక్షకుల ముందుకు తీసుకురానున్నారు.