అఖిల్‌ సినిమా త్వరలోనే ప్రారంభం కానుంది. ఈ సినిమాలో అఖిల్‌తో ఇద్దరు ముద్దుగుమ్మలు జోడీ కట్టనున్నారట. 'మనం' సినిమా డైరెక్టర్‌ విక్రమ్‌ కుమార్‌ డైరెక్షన్‌లో ఈ సినిమా తెరకెక్కబోతోంది. ఈ సినిమాలో 'కృష్ణగాడి వీర ప్రేమగాధ' ఫేం మెహరీన్‌ కౌర్‌ హీరోయిన్‌గా నటించబోతోందంటూ వార్తలు వచ్చాయి. అయితే ఆ వార్తల్తో ఎంత నిజముందో తెలీదు. కానీ తాజాగా మరో భామ పేరు తెరపైకి వచ్చింది. ఈ భామ ఎవరో కాదు సంక్రాంతికి 'శతమానం భవతి' సినిమా ద్వారా సూపర్‌ మిట్‌ కొట్టిన అనుపమా పరమేశ్వరన్‌. 'ప్రేమమ్‌', అ,ఆ..' సినిమాలతో సెకండ్‌ హీరోయిన్‌గా ఆకట్టుకున్న ఈ ముద్దుగుమ్మ తొలిసారిగా శర్వానంద్‌ సినిమాలో మెయిన్‌ హీరోయిన్‌ క్యారెక్టర్‌తో మురిపించింది. ఈ సినిమాలో అమెరికా నుండి వచ్చి, పల్లెటూరి అమ్మాయిగా కనిపించి, క్యూట్‌గా ఎట్రాక్ట్‌ చేసింది. అలాగే సూపర్‌ హిట్‌ కూడా అందుకుంది. దాంతో అమ్మడికి ఆఫర్స్‌ వరుస కడుతున్నాయి. ఎన్టీఆర్‌ తాజా సినిమాలో కూడా ఈ ముద్దుగుమ్మ పేరు పరిశీలనలో ఉంది. అలాగే కొత్తగా ఇప్పుడు అఖిల్‌ సినిమా లిస్టులో చేరింది. ఈ సినిమాలో అమ్మడు ఓకే అయితే అఖిల్‌, అనుపమా జంట క్యూట్‌గా ఆకట్టుకోనుంది. ఆల్రెడీ ఈ ముద్దుగుమ్మ అక్కినేని కాంపౌండ్‌లో అడుగుపెట్టేసింది. అన్నయ్య చైతూతో 'ప్రేమమ్‌' సినిమాలో జతకట్టింది. ఇప్పుడు అఖిల్‌తో ఆన్‌ స్క్రీన్‌ రొమాన్స్‌కి రెడీ అవుతోంది. అతి త్వరలోనే ఈ విషయంపై అఫీషియల్‌గా క్లారిటీ రానుంది.
