అనుపమా ఇంత పెద్ద షాకిచ్చిందేంటీ.?

By iQlikMovies - July 02, 2018 - 14:29 PM IST

మరిన్ని వార్తలు

'రంగస్థలం' సినిమాలో రామలక్ష్మి పాత్ర కోసం ముందుగా క్యూట్‌ బ్యూటీ అనుపమా పరమేశ్వరన్‌ని సంప్రదించారట. సమంత ప్లేస్‌లో అనుపమాని అనుకున్నారట. కొన్ని కారణాల వల్ల ఆ ఛాన్స్‌ వచ్చినట్లే వచ్చి మిస్‌ అయ్యిందట ఈ ముద్దుగుమ్మకి. 

ఇది నిజంగా షాకింగ్‌ న్యూసే. ఇంతవరకూ ఎక్కడా పొక్కలలేదు కూడా ఈ వార్త. ఒకవేళ ఇది నిజమే అయ్యుంటే అనుపమా బిగ్గెస్ట్‌ ఛాన్స్‌ మిస్‌ చేసుకున్నట్లే. ఇలాంటి అవకాశాలు చాలా అరుదుగా వస్తుంటాయి. అందులోనూ అప్‌కమింగ్‌ హీరోయిన్స్‌కి లైఫ్‌లో ఒకే ఒక్కసారి వస్తుంటాయి. ఏ కారణంగా ఆ ఛాన్స్‌ మిస్‌ అయ్యిందో తెలీదు కానీ, ఇప్పుడే ఈ వార్త వెలుగులోకి వచ్చింది. రామలక్ష్మిగా స్టార్‌ హీరోయిన్‌ అయిన సమంతకు దక్కిన పాపులారిటీ అంతా ఇంతా కాదు. అలాంటిది ఓ కొత్త హీరోయిన్‌గా అనుపమాకి ఈ పాత్ర దక్కి ఉంటే, ఆమె స్టార్‌డమ్‌ ఈ పాటికి ఎక్కడికో వెళ్లిపోయేది. ప్చ్‌ బ్యాడ్‌ లక్‌. 

ఇకపోతే ప్రస్తుతం మెగా కాంపౌండ్‌ హీరో సాయి ధరమ్‌ తేజ్‌ సరసన 'తేజ్‌ ఐ లవ్‌ యూ' సినిమాలో నటిస్తోంది అనుపమా పరమేశ్వరన్‌. 'శతమానం భవతి' సినిమాతో మంచి హిట్‌ కొట్టిన ఈ ముద్దుగుమ్మ తదుపరి 'ఉన్నది ఒక్కటే జిందగీ'తో కాస్త నిరాశపరిచింది. ఇప్పుడిప్పుడే వరుసగా యంగ్‌ హీరోస్‌తో ఆఫర్లు దక్కించుకుంటోంది. 'తేజ్‌ ఐ లవ్‌యూ' చిత్రంతో పాటు, రామ్‌ హీరోగా 'హలో గురూ ప్రేమకోసమే' చిత్రంలోనూ అనుపమా నటిస్తోంది. 

ఈ నెల 6న ప్రేక్షకుల ముందుకు రాబోయే 'తేజ్‌ ఐలవ్‌యూ'తో అనుపమా ఎలాంటి హిట్‌ కొడుతుందో చూడాలిక.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS