అనుపమకు ఈ సారైనా స్టార్‌డమ్‌ వస్తుందా?

By iQlikMovies - June 08, 2018 - 18:47 PM IST

మరిన్ని వార్తలు

మంచి నటి అనిపించుకోవడం వేరు. స్టార్‌ హీరోయిన్‌ అనిపించుకోవడం వేరు. అలా యాక్టింగ్‌ టాలెంట్‌ ఉండీ కూడా, హీరోయిన్‌గా స్టార్‌డమ్‌ సంపాదించుకోలేకపోతున్న ముద్దుగుమ్మల్లో అనుపమా పరమేశ్వరన్‌ ఒకరు. 'శతమానం భవతి' వంటి సూపర్‌ డూపర్‌ హిట్‌ తన ఖాతాలో ఉన్నప్పటికీ, ఈ ముద్దుగుమ్మని స్టార్‌ హీరోయిన్‌ రేంజ్‌కి ఊహించుకోలేకపోతున్నారు. త్వరలో 'తేజ్‌ ఐ లవ్‌యూ' సినిమాతో ఈ క్యూట్‌ బ్యూటీ ప్రేక్షకుల ముందుకు రానుంది. ఈ సినిమా పోస్టర్స్‌, టీజర్స్‌లో అనుపమా చాలా బాగా ఎట్రాక్ట్‌ చేస్తోంది. 

అయితే ఈ సినిమాతోనైనా స్టార్‌డమ్‌ సంపాదిస్తుందా? అంటే ఏమో సినిమా విడుదలైతే కానీ తెలీదు. అవకాశాలు అయితే బాగానే దక్కించుకుంటోంది. మెగా మేనల్లుడు తేజుతో నటిస్తున్న 'తేజ్‌ ఐ లవ్‌యూ' కాక, యంగ్‌ హీరో రామ్‌తో 'హలో గురూ ప్రేమ కోసమే' చిత్రంలోనూ అనుపమా నటిస్తోంది. ఈ రెండు సినిమాలూ కొంచెం గ్యాప్‌లోనే ప్రేక్షకుల్ని అలరించేందుకు సిద్ధంగా ఉన్నాయి. 

ఇకపోతే 'తేజ్‌ ఐ లవ్‌యూ' సినిమాతో ఇటు సాయి ధరమ్‌ తేజకూ, అనుపమతో లక్‌ కలిసి రావాల్సిందే. ఎందుకంటే తేజుకి ఈ మధ్య అస్సలు కలిసి రావడం లేదు. భారీ అంచనాలతో సెట్స్‌ మీదికెళ్లిన సినిమాలు ఈ మధ్య తేజుని అంతే భారీగా నిరాశ పరిచేశాయి. లవ్‌ స్టోరీస్‌ ఎక్స్‌పర్ట్‌ అయిన కరుణాకరన్‌ దర్శకత్వంలో తెరకెక్కుతోన్న ఈ సినిమాతో తేజు చేస్తాడో చూడాలిక. 

అలాగే తేజు లవ్‌తో అనుపమా ఎలాంటి సక్సెస్‌ని తన ఖాతాలో వేసుకోనుందో మరి.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS