స్వీటీ బ్యూటీ అనుష్క ప్రధాన పాత్రలో తెరకెక్కిన సినిమా 'భాగమతి'కి వస్తున్న ప్రశంసలు అన్నీ ఇన్నీ కావు. టాలీవుడ్‌లో ఓ హీరోయిన్‌పై భారీ బడ్జెట్‌ వెచ్చించి సినిమా తెరకెక్కించగల సత్తా ఉన్న ముద్దుగుమ్మ అంటే అది అనుష్క అని నిస్సందేహంగా చెప్పొచ్చు. 'భాగమతి'తో ఆ విషయం మరోసారి ప్రూవ్‌ అయ్యింది. 'బాహుబలి ది కన్‌క్లూజన్‌' సినిమా తర్వాత అనుష్క నటించిన సినిమా 'భాగమతి'. ఇటీవలే ప్రేక్షకుల ముందుకొచ్చిన ఈ సినిమాతో అనుష్క సంచలన విజయాన్ని అందుకుంది. 

వసూళ్ల పరంగా ఈ సినిమా బాక్సాఫీస్‌కి కాసుల పంట పండిస్తోంది. తెలుగు రాష్ట్రాల్లోనే కాదు, ఓవర్సీస్‌లో కూడా 'భాగమతి' హవా కొనసాగుతోంది. ఈ వసూళ్ళు ట్రేడ్‌ పండితుల్ని కూడా ఆశ్చర్యపరుస్తున్నాయి. సినీ సెలబ్రిటీస్‌ పలువురు ఈ సినిమాని వీక్షించి, సినిమాలో 'భాగమతి'గా అనుష్క నటనకు ఆమెపై ప్రశంసల జల్లు కురిపిస్తున్నారు. ఇటీవల మెగా పవర్‌స్టార్‌ రామ్‌ చరణ్‌ తన భార్య ఉపాసనతో కలిసి 'భాగమతి' సినిమాని చూశారు. సినిమా చూసొచ్చి, ఆయన తన భార్యకు రాత్రంతా నిద్ర పట్టలేదు. సినిమా చాలా బాగుంది. అందరూ ఖచ్చితంగా ధియేటర్‌కి వెళ్లి సినిమా చూడండి. అని సోషల్‌ మీడియాలో ట్వీట్‌ చేశారు. 

అలాగే తమిళ సూపర్‌స్టార్‌ రజనీకాంత్‌ అనుష్కకి ఫోన్‌ చేసి ప్రశంసించారట. ఇలా స్వీటీ బ్యూటీ అనుష్క కు వరుసగా విసెష్‌ అందుతుండడంతో ఆమె ఆనందానికి అవధుల్లేకుండా పోతోందట. ఇదంతా సరే, 'బాహుబలి'తో సెన్సేషన్‌ సృష్టించింది. ఇప్పుడు 'భాగమతి'తో రికార్డులు కొల్లగొడుతోంది. మరి అనుష్క తదుపరి చేయబోయే సినిమా ఏమై ఉంటుందనీ అభిమానులంతా ఆశక్తిగా ఎదురు చూస్తున్నారు. కానీ అనుష్క మాత్రం తర్వాత ఏ సినిమాకీ కమిట్‌ అవ్వలేదట. కొంత కాలం ఫ్యామిలీతో సరదాగా గడపాలనుకుంటోందట. 

అలాగే ఫిజిక్‌ విషయంలోనూ కొంచెం ఎక్కువగానే కాన్‌సన్‌ట్రేషన్‌ చేయాలనుకుంటోందట. ప్రస్తుతం ఇదే మన స్వీటీ ప్రిపరేషన్‌ అని తెలుస్తోంది.