స్వీటీ అంటే స్వీటీలాగే తయారైంది అనుష్క ఇప్పుడు. 'సైజ్‌జీరో' కోసం బరువు పెరిగిన అనుష్క ఆ తర్వాత చాలా చాలా కష్టపడి ఆ పెరిగిన బరువును దించుకునే ప్రయత్నం చేసింది. ఎలాగోలా మొత్తానికి ఆ బరువు బాధ్యతల నుండి విముక్తి పొందినట్లే కనిపిస్తోంది. బరువు కారణంగా దాదాపు ఏడాదిన్నర పాటు సినిమాలకు దూరమైంది అనుష్క. ఇప్పుడిప్పుడే మళ్లీ అనుష్క కొత్త సినిమాలకు సైన్‌ చేస్తోంది.
అందులో భాగంగా రూపొందుతున్న చిత్రాలే 'సైరా', 'సైలెన్స్‌' చిత్రాలు. వీటిలో 'సైరా'లో అనుష్కది గెస్ట్‌ రోల్‌. నిడివి తక్కువ ఉన్న పాత్ర. ఈ సినిమా షూటింగ్‌ ఇటీవలే కంప్లీట్‌ అయ్యింది. ఇకపోతే రెండో సినిమా 'సైలెన్స్‌'. అనుష్క పూర్తి స్థాయిలో నటిస్తున్న చిత్రమిది. మాధవన్‌ హీరో. కాగా. ఈ సినిమా షూటింగ్‌ ప్రస్తుతం అమెరికాలో స్పీడుగా జరుగుతోంది. ఇదిలా ఉంటే, బరువు తగ్గిన అనుష్క ఎలా ఉందో చూడాలంటూ ఫ్యాన్స్‌ పిచ్చ ఈగర్‌గా ఎదురు చూస్తున్నారు. కానీ, ఎందుకో ఇంకా ఇంకా స్వీటీ ఊరిస్తోంది. ఇటీవలే 'త్వరలోనే కనిపించబోతున్నా..' అంటూ షాకిచ్చి కనీ కనిపించని ప్రీ లుక్‌తో సరిపెట్టింది. తాజాగా ఇంకోసారి అలాంటి హైడ్‌ అండ్‌ సీక్‌ గేమ్‌నే ఆడింది స్వీటీ. ప్రముఖ కొరియోగ్రాఫర్‌ రఘు మాస్టర్‌ వెనకగా నిలబడి ఫోటోలకు పోజిచ్చింది.
ఎందుకు ఇంత సీక్రెట్‌ గేమ్‌ ప్లాన్‌ చేసిందో అనుష్క అర్ధం కావడం లేదు. అంతా ఉత్తదే, అనుష్క సన్నబడి ఉండదు.. అనే ప్రచారం జరిగింది నిన్న మొన్నటి వరకూ. కానీ, తాజా పిక్స్‌లో ఫేస్‌ ఫీచర్స్‌ చూస్తుంటే, నిజమే అనుష్క సన్నబడింది. ఫీచర్స్‌లో క్యూట్‌ అప్పీల్‌ ఇంతకు ముందుకన్నా ఎక్కువగా కనిపిస్తోంది.. అంటూ ఆశ్చర్యపోతున్నారు. మొత్తానికి అసలు సిసలు అనుష్క కటౌట్‌ కనిపించేదెప్పుడో కానీ, అంతవరకూ ఫ్యాన్స్‌ని ఇలాగే ఊరిస్తుందేమో స్వీటీ.
