జల్లికట్టు పై బ్యాన్ ఎత్తివేసే అంతవరకు తమిళ ప్రజలు తమ నిరసనలు కొనసాగించేలా ఉన్నారు. ఇందులో భాగంగానే ప్రముఖ సంగీత దర్శకుడు ఏ ఆర్ రెహమాన్ రేపు మొత్తం ఆహరం తీసుకోకుండా జల్లికట్టు కోసం జరుగుతున్న ప్రజా ఉద్యమానికి తనవంతుగా ఇలా నిరసన తెలియచేయనున్నాడు. ఈ విషయాన్ని తనే స్వయంగా ట్విట్టర్ ద్వారా తన అభిమానులతో పంచుకున్నాడు. ఇక ఈ నిరసన సెగలు దేశ రాజధాని ఢిల్లీని కూడా తాకాయి. ముఖ్యమంత్రి పన్నీర్ సెల్వం ప్రధానమంత్రి మోడీని కలిసి తమిళనాట ప్రస్తుతమున్న పరిస్థితిని వివరించారు.మొత్తానికి జల్లికట్టు అంశం ఇప్పుడు దేశస్థాయి దాటి అంతర్జాతీయ స్థాయికి వెళ్ళిపోయింది.
